U Pieciarburhu zatrymali školnicu za nadpis pra źniščany Rasijaj Maryupal
U Sankt-Pieciarburhu zatrymali 17-hadovuju školnicu i skłali pratakoł pavodle artykuła ab dyskredytacyi rasijskaj armii. Jak paviedamiŭ prajekt «Radyjo Svaboda» «Sievier.Riealii», dziaŭčyna nibyta zrabiła na haradskoj instalacyi, pryśviečanaj Maryupalu, nadpis: «Zabojcy, vy sami jaho razbambili. Judy».
Imia zatrymanaj pakul nieviadomaje. Paśla składańnia pratakoła jaje vyzvalili.
Hety nadpis źjaviŭsia na instalacyi «Pieciarburh — Maryupal» 18 śniežnia, mienš jak praz tydzień paśla jaje ŭstalavańnia. U vyniku abšyŭku zamianili na novuju.
Instalacyja ŭjaŭlała saboj dva pieraplecienyja sercy — vialikaje z nadpisam «Sankt-Pieciarburh» i małoje z nadpisam «Maryupal». Hety prajekt zaćvierdziŭ hubiernatar Alaksandr Biahłoŭ.
Raniej takuju kampazicyju pastavili ŭ Maryupali — horadzie, jaki vielmi mocna paciarpieŭ ad dziejańniaŭ rasijskaj armii padčas nastupu Rasii na Ukrainu. Bolšaja častka horada była prosta źniščanaja, dziasiatki tysiač ludziej zahinuli. Ale paśla zachopu Maryupala rasijanie cynična abviaścili jaho «pabracimam» Sankt-Pieciarburha.
Čytajcie taksama:
Na sercy z nadpisam «Maryupal» u Pieciarburhu markieram nanieśli «Zabojcy, vy razbambili jaho». Ułady demantavali kanstrukcyju
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary