Pad vyhladam «Biełaruskaha Hajuna» ŭ čatach dla znajomstva ludziam pišuć siłaviki
Telehram-kanał «Biełaruski Hajun» vyśvietliŭ, što ŭ čat-botach znajomstvaŭ aktyvizavalisia siłaviki Łukašenki, jakija pad vyhladam zajaŭki na znosiny prapanujuć im napisać «kali ty nie abyjakavy da svajoj dziaržavy i prahnieš u žyćci tolki miru i hatovy akazać lubuju dapamohu».
U asabistych paviedamleńniach akaŭnt pačynaje raspaviadać bajki, što nibyta jon pradstaŭnik «Hajuna» i takim čynam šukaje krynicy.
Dalej hety «pradstaŭnik» patrabuje čałavieka napisać jaho asabistyja danyja: proźvišča, imia, dzień i miesca naradžeńnia, adkul, dzie vučylisia, dzie pracuje i chobi.
«Biełaruski Hajun» padkreślivaje, što nikoli i nikomu nie piša ŭ asabistyja paviedamleńni i ŭžo sapraŭdy nie šukaje krynic u čat-bocie znajomstvaŭ «Dajvinčyk». Adzinaja krynica suviazi z manitorynhavaj hrupaj — heta bot: @HajunBYbot
Taksama nikoli i ni pry jakich abstavinach nie zapytvaje asabistyja danyja — navošta viedać sapraŭdnaje imia i, barani boža, chobi?! Toje, što hety «pradstaŭnik» zapytvaje, nazyvajecca daśje.
Telehram-kanał padkreślivaje, što nie treba pisać nijakim akaŭntam, jakija pradstaŭlajucca «Hajunam» u niejkich čatach.
Ale kali ŭsio ž napisali ci jon napisaŭ vam, to robiacca nastupnyja kroki:
1. Paviedamlać u @hajunbybot, što siłaviki prykidvajucca «Hajunam» z takoha akaŭnta.
2. Błakavać hety fejkavy akaŭnt.
3. Kali akaŭnt na Telegram źmiaščaŭ abo ŭtrymlivaŭ asabistyja danyja (fota abo imia z proźviščam) — to varta vydalić akaŭnt i stvaryć novy. Asabliva datyčyć tych, chto ŭžo paśpieŭ niešta raskazać siłavikam u asabistych paviedamleńniach.
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary