Hramadstva

Z 25 śniežnia i na ŭsiu zimu ŭvodziać zabaronu na łoŭlu mientuza

Dla zachavańnia rybnych resursaŭ i stvareńnia spryjalnych umoŭ uznaŭleńnia mientuza ŭ biełaruskich vadajomach, va ŭsich rybałoŭnych uhodździach z 25 śniežnia 2022-ha pa 28 lutaha 2023 hoda zabaraniajuć łavić hety vid ryby.Tym, chto nie vypuścić vypadkova złoŭlenuju rybinu nazad u vadajom, pahražaje štraf da 1824 rubloŭ.

Miantuz, ci mianiok — adziny pradstaŭnik siamiejstva traskovych, jaki žyvie ŭ presnavodnych vadajomach (usie astatnija vidy žyvuć u salonaj vadzie).

Miantuz — va ŭsich adnosinach dziŭnaja ryba, mała padobnaja da inšych pradstaŭnikoŭ ichtyjafaŭny. Jana maje davoli «reliktavuju» źniešnaść: pra staražytnaje pachodžańnie hetaha vidu havoryć padoŭžanaja forma cieła, mudrahielistaje raźmiaščeńnie płaŭnikoŭ i charakternaja hałava z vyjaŭlenymi niaparnymi «vusami». Taksama rybina adznačajecca niezvyčajnym smakam miasa i zvyškaštoŭnaj piačonkaj, jakaja ŭtrymlivaje šmat tłušču i vitaminaŭ. 

Siezonnaja zabarona na vyłaŭ źviazana z tym, što ŭ śniežni, paśla zamiarzańnia vadajomaŭ i panižeńnia tempieratury vady da +1°S, pačynajecca masavy ruch mientuza na nierast. Nierast prachodzić bolš aktyŭna pry vialikich marazach, a padčas adlihi moža raściahvacca bolš čym na miesiac.

Kali ŭ termin, pakul dziejničaje zabarona, rybałovu ŭsio ž trapiŭsia miantuz, to, u adpaviednaści ź dziejnym zakanadaŭstvam, ryba pavinna być vypuščana ŭ žyvym vyhladzie tudy, dzie jana była vyłaŭlena.

U vypadku niezakonnaj zdabyčy mientuza ŭ pieryjad zabarony parušalnik pavinien zapłacić štraf za škodu, pryčynienuju navakolnamu asiarodździu, u pamiery 27 bazavych vieličyń, što składaje 864 rubli (za kožnuju kanfiskavanuju asobinu).

Akramia taho, parušalnik budzie pakarany administracyjnym štrafam pa č. 1 art. 16.25 KaAP Respubliki Biełaruś u pamiery da 30 bazavych vieličyń, što składaje 960 rubloŭ.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ci adroźnivajecca žanočy mozh ad mužčynskaha i što vyznačaje ŭzrovień intelektu? Niejrabijołah adkazvaje na roznyja pytańni pra mozh2

Ci adroźnivajecca žanočy mozh ad mužčynskaha i što vyznačaje ŭzrovień intelektu? Niejrabijołah adkazvaje na roznyja pytańni pra mozh

Usie naviny →
Usie naviny

Na akcyju Cichanoŭskich u Vilni prynieśli płakat «Siarhiej — džentlmien»1

Partyju «Biełaja Ruś» uznačaliła Volha Čamadanava14

Varona raźbiła škło aŭtamabila ŭ Hrodnie

Śmierci niama. Jak režysiorka Darja Žuk stała maci, a praz paŭtara hoda pachavała svajo dzicia6

U Rasii vajskovaha piensijaniera asudzili na 18 hadoŭ za rasklejvańnie ŭlotak «Spynim vajnu razam»

17-hadovy syn Ramzana Kadyrava ženicca

Zahinułyja ŭ DTZ pad Minskam — hramadzianie Rasii, u tym liku dziaŭčynki 7 i 13 hadoŭ5

Maładaja bulba sa śmietankovym sousam i zialonym haroškam5

U Breście kaciania vybiehła na darohu. Usie kiroŭcy spynilisia i kinulisia ratavać VIDEA

bolš čytanych navin
bolš łajkanych navin

Ci adroźnivajecca žanočy mozh ad mužčynskaha i što vyznačaje ŭzrovień intelektu? Niejrabijołah adkazvaje na roznyja pytańni pra mozh2

Ci adroźnivajecca žanočy mozh ad mužčynskaha i što vyznačaje ŭzrovień intelektu? Niejrabijołah adkazvaje na roznyja pytańni pra mozh

Hałoŭnaje
Usie naviny →

Zaŭvaha:

 

 

 

 

Zakryć Paviedamić