U kastryčniku Biełstat pravioŭ vybaračnaje abśledavańnie fizičnych asob u vaśmi aŭtadarožnych punktach propusku. Abśledavańnie pakazała, što biełarusy kuplajuć u Litvie i Polščy, a što jeŭrapiejcy — u nas.
Usiaho dziaržaŭnyja statystyki sabrali 2681 ankietu, ź jakich krychu bolš za 1600 zapoŭnili biełarusy, astatnija — nierezidenty našaj krainy.
Mienš za pałovu respandentaŭ u ankiecie paznačyli, što viazuć niejkija tavary ź Jeŭropy ŭ Biełaruś, a ŭ vyvazie tavaraŭ pryznalisia jašče mienš — tolki 40% apytanych. Vyśvietliłasia, što biełarusy bolš aktyŭna zakuplajucca ŭ Litvie (658 čałaviek, jakija ŭziali ŭdzieł u abśledavańni) i Polščy (363 čałavieki).
Biełarusy ź jeŭrapiejskich krain čaściej za ŭsio viazuć kampjutary, televizary, dziciačyja cacki. Ź Biełarusi padarožniki aktyŭna vyvoziać bienzin, adzieńnie i abutak.
Što ŭvozili:
- kampjutarnuju techniku i srodki suviazi — uvieziena ŭ siarednim na 567 dalaraŭ na adnaho ŭdzielnika abśledavańnia,
- televizary — 444 dalary,
- elektryčnuju bytavuju techniku — 333 dalary,
- elektrainstrumient, bienzapiły — 288 dalaraŭ,
- cacki, hulni, spartyŭny invientar — 202 dalary,
- šyny i koły — 184 dalary,
- budaŭničyja materyjały — 117 dalaraŭ.
Što vyvozili:
- aŭtazapčastki — 113 dalaraŭ,
- vopratku — 92 dalary,
- abutak — 90 dalaraŭ,
- parfumiernyja i kaśmietyčnyja srodki — 85 dalaraŭ,
- santechniku — 83 dalary,
- meblu, matracy, aśviatlalnyja prybory — 61 dalar,
- sumki, valizki — 40 dalaraŭ.
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni14
Kamientary