Ministr zamiežnych spraŭ Ukrainy: Usia patrebnaja zbroja ŭ nas budzie, nijakich tabu ŭ partnioraŭ niama
Ministr zamiežnych spraŭ Dźmitryj Kuleba pierakanany, što Ukraina z časam atrymaje ad partnioraŭ usiu nieabchodnuju joj zbroju. A što jaje nie dajuć adrazu, to na toje jość «psichałahičnyja, łahistyčnyja i palityčnyja pryčyny», piša «Ukrainskaja praŭda».
«Majo ŭražańnie takoje. Kali padsumavać usie zakulisnyja razmovy, nie tolki ŭ Vašynhtonie, ale i ŭ inšych krainach, to vysnova takaja: usia patrebnaja zbroja budzie, heta tolki pytańnie času.
Čamu jaje nielha dać adrazu? Tamu što jość psichałahičnyja, łahistyčnyja i palityčnyja pryčyny. Ale z usimi hetymi pryčynami treba pracavać, i my budziem pracavać.
Heta nie tolki pytańnie niežadańnia. Pastaŭki luboj zbroi — heta vielmi składanaja techničnaja i łahistyčnaja apieracyja, my zajmajemsia razam z kalehami ź inšych viedamstvaŭ usimi hetymi detalami…
U mianie dakładna jość adčuvańnie, što nazyvajecca na končykach palcaŭ, što nijakich tabu ŭ pytańniach pastavak zbroi niama.
I Patriot, rašeńni pra jakija pryvioz Uładzimir Zialenski z Vašynhtona — najlepšy tamu dokaz», — zajaviŭ ministr u efiry nacyjanalnaha telemarafonu.
Kuleba taksama adznačyŭ, što Ukraina nastojvaje na atrymańni zbroi ad partnioraŭ u suviazi ź ich abaviazacielstvami pa Budapiešckim miemarandumie.
«My kažam vielmi prostuju reč našym partnioram:
kali vy, ščyra kažučy, u zmovie z rasijanami zabrali ŭ nas jadziernuju zbroju jak faktar strymlivańnia Rasii, i Rasija na nas napała, to ciapier, chočacie ci nie chočacie, davajcie nam usiu patrebnuju niajadziernuju zbroju, kab my mahli ad Rasii abaraniacca.
Voś tak my stavim pytańnie», — skazaŭ jon.
Ciapier čytajuć
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada1
Kamientary
Budie tobi vraža jak Załužnij skaža.(s)