Cichanoŭskaja pryznačyła pradstaŭnicu pa sacyjalnych pytańniach
Śviatłana Cichanoŭskaja pryznačyła byłuju palitźniavolenuju Volhu Harbunovu na pasadu pradstaŭnicy pa sacyjalnych pytańniach Abjadnanaha pierachodnaha kabinieta Biełarusi.
Pryjarytetnym napramkam dziejnaści novapryznačanaj pradstaŭnicy, jak zajaŭlajecca, musić stać arhanizacyja sistematyčnaj dapamohi palitźniavolenym i ich blizkim. Taksama jana maje ŭzmacnić pracu Kabinieta pa vyrašeńni pytańnia palitźniavolenych na mižnarodnaj arenie.
Volha Harbunova — zasnavalnica prytułku dla žančyn i ich dziaciej, paciarpiełych ad chatniaha hvałtu, byłaja kiraŭnica hramadskaha abjadnańnia «Radzisłava». Bolš za 10 hadoŭ jana navučała pradstaŭnikoŭ pravaachoŭnych orhanaŭ, sistemy sacyjalnaj abarony i achovy zdaroŭja, psichołahaŭ i nastaŭnikaŭ pracavać z achviarami chatniaha hvałtu, praduchilać jaho ciažkija nastupstvy.
20 hadoŭ dapamahaje ŭ abaronie pravoŭ uraźlivych sacyjalnych hrup, u tym liku žančyn i pradstaŭnikoŭ ŁHBT-supolnaści.
Kamientary