Святлана Ціханоўская прызначыла былую палітзняволеную Вольгу Гарбунову на пасаду прадстаўніцы па сацыяльных пытаннях Аб’яднанага пераходнага кабінета Беларусі.
Прыярытэтным напрамкам дзейнасці новапрызначанай прадстаўніцы, як заяўляецца, мусіць стаць арганізацыя сістэматычнай дапамогі палітзняволеным і іх блізкім. Таксама яна мае ўзмацніць працу Кабінета па вырашэнні пытання палітзняволеных на міжнароднай арэне.
Вольга Гарбунова — заснавальніца прытулку для жанчын і іх дзяцей, пацярпелых ад хатняга гвалту, былая кіраўніца грамадскага аб’яднання «Радзіслава». Больш за 10 гадоў яна навучала прадстаўнікоў праваахоўных органаў, сістэмы сацыяльнай абароны і аховы здароўя, псіхолагаў і настаўнікаў працаваць з ахвярамі хатняга гвалту, прадухіляць яго цяжкія наступствы.
20 гадоў дапамагае ў абароне правоў уразлівых сацыяльных груп, у тым ліку жанчын і прадстаўнікоў ЛГБТ-супольнасці.
Цяпер чытаюць
Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць9
Каментары