Pucin dazvoliŭ prymać apłatu zapazyčanaści za haz u zamiežnaj valucie
U piatnicu prezident Rasii Uładzimir Pucin padpisaŭ ukaz, jaki dazvalaje apłatu daŭhoŭ za haz «niedružalubnym krainam» u zamiežnaj valucie, piša Bi-bi-si.
Hetym jon źmianiŭ svajo rašeńnie, pryniataje sioleta ŭ sakaviku, kali Jeŭrasajuz uvioŭ sankcyi suprać Rasii — tady Pucin zajaviŭ, što zamiežnyja pakupniki pavinny z 1 krasavika adkryvać śpiecyjalny rachunak u Hazprambanku i płacić za haz u rublach, u advarotnym vypadku Rasija ličyła heta nievykanańniem abaviazacielstvaŭ pa hazavych kantraktach.
Jeŭraźviaz tady paličyŭ hetyja patrabavańni parušeńniem sankcyjnaha režymu.
«My jasna kažam, što apłata ŭ rublach i adkryćcio druhoha rachunku ŭ Hazprambanku stanuć parušeńniem sankcyj i nie mohuć być pryniatyja. My nie pavinny mianiać užo padpisanyja kantrakty, u jakich skazana, što apłata ažyćciaŭlajecca ŭ dalarach ci jeŭra», — zajaviła tady jeŭrakamisar pa pytańniach enierhietyki Kadry Simsan.
Rasija tady spyniła pastaŭki hazu niekatorym krainam, takim jak Polšča i Finlandyja, jakija admovilisia ad novych umovaŭ hazavych uhodaŭ z Rasijaj.
Novy ŭkaz, padpisany ŭ piatnicu, dazvalaje raźliki za haz u zamiežnaj valucie.
Schiema pracuje tak: Hazprambank adkryvaje dla zamiežnych pakupnikoŭ śpiecyjalnyja valutnyja i rublovyja rachunki, pakupnik pieravodzić na pieršy rachunak srodki ŭ valucie, nazvanaj u kantrakcie. Zatym bank pradaje hetuju valutu na Maskoŭskaj biržy, zaličvaje atrymanyja rubli na druhi rachunak, i ŭžo ź jaho raźličvajecca z «Hazpramam».
Hetaje novaŭviadzieńnie datyčycca raźlikaŭ «pamiž rasijskim pastaŭščykom i zamiežnym pakupnikom pry spahnańni zapazyčanaści abo pahašeńni im zapazyčanaści pierad rasijskim pastaŭščykom», havorycca ŭ dakumiencie.
Pry hetym padkreślivajecca, što novaŭviadzieńnie nie aznačaje aŭtamatyčnaha adnaŭleńnia pastavak, prypynienych raniej, i nie mianiaje raniej ustanoŭlenych patrabavańniaŭ da zamiežnaha pakupnika apłačvać rasijski haz u rublach.
U śpis «niedružalubnych dziaržaŭ», zaćvierdžany ŭradam Rasii ŭ sakaviku, uvachodzić kala 50 krain, u tym liku 27 krain Jeŭrasajuza, ZŠA, Vialikabrytanija, Kanada, Aŭstralija, Paŭdniovaja Kareja, Japonija i Ukraina.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary