Viadomaja rasijskaja šachmatystka budzie vystupać pad ściaham Šviejcaryi
Rasijskaja šachmatystka, hrosmajstar Alaksandra Kaścianiuk, jakaja zajmaje dziaviataje miesca ŭ žanočym suśvietnym rejtynhu, z 1 studzienia 2024 hoda budzie pradstaŭlać zbornuju Šviejcaryi.

Jak adznačajecca ŭ pres-relizie Šviejcarskaj fiederacyi šachmat, paśla pačatku vajny va Ukrainie šachmatystka «adviarnułasia ad svajoj rodnaj krainy i ciapier vystupaje pad ściaham Mižnarodnaj šachmatnaj fiederacyi (FIDE)».
Kaścianiuk u 18 hadoŭ atrymała šviejcarski pašpart paśla zaklučeńnia šlubu. Paźniej jana raźviałasia i vyjšła zamuž za rasijskaha hrosmajstra Paŭła Trahubava, ale zachavała hramadzianstva Šviejcaryi.
U 2023 hodzie šachmatystka nie budzie hulać za šviejcarskuju zbornuju, bo ŭ takim vypadku Fiederacyi šachmat Šviejcaryi pryjšłosia b vypłacić Rasijskaj šachmatnaj fiederacyi kamisiju 10 tysiač dalaraŭ. Praz hod hetaja vypłata ŭžo nie spatrebicca.
Takim čynam z pačatku vajny heta pieršaja rasijskaja spartsmienka vysokaha ŭzroŭniu (jak siarod žančyn, tak i siarod mužčyn), jakaja źmianiła spartyŭnaje hramadzianstva.
-
Hrodzienski fatohraf pradavaŭ fotasiesii, ale nie rabiŭ ich, a prajhravaŭ usie hrošy ŭ anłajn-kazino. Jon raskazaŭ, jak usio adbyvałasia
-
Łukašenka: Da kanca hetaha hoda my pavinny mieć svaje bojeprypasy da artyleryjskich sistem
-
Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Kamientary