Hety łukašenkaviec pravakuje ludziej u čat-ruletcy, a paśla ich zatrymlivajuć i źbivajuć. Raskazvajem, chto jon
Dva dni zapar pa danosach žychara Mazyra aryštoŭvajuć ludziej, ździekujucca ź ich i zapisvajuć heta na videa.
Juryju Komaru 41 hod i jon maje mazyrskuju prapisku. Mužčyna pracuje dalnabojnikam, maje IP pa pieravozkach.
Jašče paru hadoŭ tamu Komar nie hrebavaŭ adpačynkam u «zahnivajučaj» Jeŭropie i navat va Ukrainie: u jahonych sacsietkach bieźlič fota ź plažaŭ i ź vidami niekatorych jeŭrapiejskich krain.
Naprykancy listapada 2022 hoda jon adkryŭ u sabie «talent» i ažyviŭ svoj kanał na jutubie. Sutnaść rolikaŭ u tym, što Komar uvachodzić u čat-ruletku, nie pakidajučy svajho aŭto, šukaje tam ludziej, jakija nie lubiać uładu ŭ Biełarusi i padtrymlivajuć Ukrainu, pravakuje ich na rezkija vykazvańni, prykidvajučysia ŭkraincam, a paśla vykładaje heta ŭ sieciva.
Jutub Komara nie cikavy hledačam: niahledziačy na pijar praŭładnych kanałaŭ, jahonaje samaje papularnaje videa nabrała tolki 4 tysiačy prahladaŭ. Ale cikavy siłavikam, jakija zatrymali paśla videa Komara nie mienš za čaćviarych biełarusaŭ. Adnaho ź ich źbili pry zatrymańni, a z astatnich prosta paździekavalisia — i na ŭsich zaviali kryminalnyja spravy.
«Naša Niva» — bastyjon biełaruščyny
PADTRYMAĆ-
Znojdzieny pad Viciebskam bivień mamanta mahło prynieści tudy tałymi vodami
-
«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
-
Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary