Na płoščy Pieramohi ŭ Minsku pradajecca kvatera teledzivy Eleanory Jazierskaj. Kolki kaštuje?
Abjava ab prodažy dvuchpakajovaj stalinki la samaj płoščy Pieramohi zjaviłasia dastatkova daŭno, ale jana pa-raniejšamu aktualnaja. Realt piša, što raniej tut žyła Eleanora Jazierskaja.
Eleanora Jazierskaja — aktrysa, tele— i radyjoviadučaja. Jaje nazyvajuć adnoj z samych ekstravahantnych žančyn biełaruskaha TB. Jazierskaja naradziłasia ŭ 1946 hodzie i ŭsio žyćcio pražyła ŭ Minsku. Jaje hołas biełarusy viedali pa «Sałonie Eleanory Jazierskaj», jaki vychodziŭ na BT u 90-ch, cykle aŭtarskich pieradač «Žančyny XX stahodździa» na STB i pieradačach na radyjo «Mir».
Eleanora Jazierskaja pamierła ŭ 2014 hodzie, joj było 67 hadoŭ.
U 2015 hodzie kvateru pradavali ŭ zychodnym vyhladzie, z rečami Jazierskaj za 140 tysiač dalaraŭ, ale pakupnik, miarkujučy pa ŭsim, nie znajšoŭsia.
— Antykvarny hadzińnik u haścinaj, darahi miejsienski sierviz, fatahrafii ŭ pryhožych ramkach i jašče šmat-šmat rečaŭ, jakija robiać prosta kvateru raskošnym prystankam sapraŭdnaj dzivy, — tak dziesiać hadoŭ tamu apisvaŭ kvateru Jazierskaj tio.by.
Ciapier u kvatery zrabili ramont, rečy vyvieźli.
Heta pustaja dvuchpakajoŭka ź biełymi ścienami, parkietam i plitkaj na padłozie. Kvatera znachodzicca na druhim paviersie cahlanaj piacipaviarchoŭki na praśpiekcie Niezaležnaści, 35.
Heta zaŭvažny dom na płoščy Pieramohi z kramaj «Ščodry». Uvachod u padjezd — z vulicy, a nie z dvara. Na hety momant, darečy, źviartała ŭvahu i sama Eleanora Jazierskaja, raskazvajučy pra svaju kvateru.
Płošča kvatery — 61 kv. m, cana — kala 120 tysiač dalaraŭ.
Čytajcie taksama:
Praviły žyćcia ad Eleanory Jazierskaj
Navumčyk: Jazierskaja zastaniecca ŭ historyi aŭtaram vyrazu «Zakat nad bołotom»
-
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii
-
«Ja razumieju, što možna zrabić kopiju krasovak…» Rasijanie spłahijacili minski dziciačy sadok
-
Samuju darahuju kvateru listapada kupili ŭ domie, za prahlad žylla ŭ jakim brali 7 tysiač rubloŭ
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary
vidać, zanadta jadavitaja była ženščyna, što nat i ciapier nie kupiać