Pravaabaroncu Nastu Łojku bili elektrašokieram, tamu što jana zabyłasia svoj parol ad telefona
Pra žorstkaje abychodžańnie z pravaabaroncaj Nastaj Łojkaj raskazała rasijskaja žurnalistka Kaciaryna Jańšyna, jakaja praviała 15 sutak na Akreścina za žadańnie prysutničać na sudzie nad Alesiem Bialackim i inšymi «viasnoŭcami».
«…Jak mnie potym raskazali, dziaŭčynu, jakaja prosta zabyła svoj parol, katavali tokam. Jaje bili elektrašokieram u piatku, kab nie było śladoŭ. Heta było z pravaabaroncaj Nastaj Łojkaj. Kali ja admoviłasia dać paroli, mnie raskazali hetu historyju. I ja potym siadzieła dumała: cikava, kolki ŭdaraŭ toku ja vytryvaju, pierš čym złamajusia i dam paroli».
Na adnym z sudoŭ sama Nasta raspaviadała pra katavańni — supracoŭnik HUBAZiK udaryŭ jaje elektrašokieram, a adzin z supracoŭnikaŭ CIP vyvieŭ jaje va ŭnutrany dvor i pakinuŭ biez vopratki na 8 hadzin, za toje, što jana napisała skarhu.
Kamientary