ZŠA daduć Ukrainie rakiety dalokaściu da 150 km, ale nie 300, jakija Kijeŭ daŭno prosić
Ahienctva Reuters paviedamlaje sa spasyłkaj na krynicy ŭ kiraŭnictvie ZŠA, što Złučanyja Štaty ŭ najbližejšy čas majuć namier pieradać Ukrainie rakiety dalokaściu da 150 km.
Reuters piša, što ŭ novy pakiet vajskovaj dapamohi ZŠA Ukrainie ŭvojduć vysokadakładnyja rakiety małoha dyjamietra naziemnaha baziravańnia (GLSDB).
Hetyja samanavodnyja rakiety amierykana-šviedskaj raspracoŭki zapuskajucca ŭ tym liku z ustanovak HIMARS i mohuć paražać celi na adlehłaści mnohich dziasiatkaŭ kiłamietraŭ.
Da hetaha času miaža dalokaści rakiet, jakija amierykancy i inšyja sajuźniki pastaŭlali ŭkrainskaj armii, składała krychu bolš za 80 kiłamietraŭ — heta taksama rakiety da ŭstanovak HIMARS.
Ukraina daŭno prosić u ZŠA i sajuźnikaŭ vysokadakładnyja rakiety ATASMS dalokaściu da 300 kiłamietraŭ, jakimi možna stralać z ustanovak HIMARS. Da hetaha času zachodnija sajuźniki admaŭlalisia pieradavać takuju zbroju — pa nieaficyjnych źviestkach, z-za bojazi, što ŭkraincy pačnuć bić imi pa celach u hłybini rasijskaj terytoryi, a heta moža pryvieści da niekantralujemaj eskałacyi vajny.
Pa źviestkach Reuters, pra novy pakiet vajskovaj dapamohi abjomam 2,2 młrd dalaraŭ budzie abvieščana ŭžo na hetym tydni.
Kamientary
Słuhi narodu točno chočuť pieriemohti u vijni?