Iryna Abielskaja taksama była ŭ Zimbabve i siadzieła razam z Kolem FOTA
Doktar miedycynskich navuk, hałoŭnaja lekarka Respublikanskaha kliničnaha miedcentra Upraŭleńnia spravami prezidenta Iryna Abielskaja znachodziłasia ŭ składzie biełaruskaj delehacyi, jakaja prylacieła ŭ Zimbabve, piša «Narodnaja vola».
Sumiesnaje fota Iryny Abielskaj i jaje mahčymaha syna Mikałaja Łukašenki ź dziaržaŭnaha bankieta, arhanizavanaha z nahody aficyjnaha vizitu Alaksandra Łukašenki, publikujuć miascovyja srodki masavaj infarmacyi.
U zimbabvijskich siužetach navin źjaŭlalisia i inšyja viadomyja biełaruskija čynoŭniki: pres-sakratarka Alaksandra Łukašenki Natalla Ejsmant, ministr sielskaj haspadarki Ihar Bryło, ministr zamiežnych spraŭ Siarhiej Alejnik, ministr padatkaŭ i zboraŭ Siarhiej Nalivajka, staršynia Minharvykankama Uładzimir Kucharaŭ i inšyja.
Paviedamlajecca, što bankiet «adbyŭsia paśla taho, jak na praciahu dnia było padpisana niekalki pahadnieńniaŭ ab uzmacnieńni ekanamičnaha supracoŭnictva… Kiraŭniki dziaržaŭ padniali tost za mir, roskvit i mocnaje zdaroŭje narodaŭ dźviuch krain».
Kamientary