U sudzie Savieckaha rajona Minska 24 studzienia vyniesieny prysud 18-hadovaj Darji Hanič i 19-hadovaj Kaciarynie Śnihirovaj, jakich abvinavacili ŭ źniavazie dziaržaŭnych simvałaŭ pavodle art. 370 Kryminalnaha kodeksa, paviedamlaje «Viasna».
Spravu razhladała sudździa Alena Žukovič.
Pavodle abvinavačańnia, siabroŭki 22 listapada 2022 hoda, znachodziačysia kala budynka internata KTUP «Minski Kamaroŭski rynak» sarvali z fasada hetaha budynka dziaržaŭny ściah. Zatym demanstratyŭna machali im, idučy pa vulicy Biełamorskaj, paśla čaho kinuli jaho na ziamlu.
Pry hetym svaje dziejańni zdymali na kamieru mabilnaha telefona, a fota — i videafajły vykładvali ŭ hrupu ŭ sacyjalnaj sietcy, čym publična źniavažyli dziaržsimvoliku.
Padčas sudovaha pasiadžeńnia dziaŭčaty pryznali vinu ŭ poŭnym abjomie i čystasardečna raskajalisia.
Sud pastanaviŭ pryznačyć Kaciarynie Śnihirovaj abmiežavańnie voli biez nakiravańnia ŭ papraŭčuju ŭstanovu adkrytaha typu na termin 1 hod 6 miesiacaŭ, a Darji Hanič — aryšt na termin 3 miesiacy.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary