Rasijski spadarožnik byŭ źniščany na arbicie pa nieviadomych pryčynach — utvaryłasia vobłaka abłomkaŭ
Rasijski spadarožnik «Kosmas-2499» byŭ źniščany na arbicie ŭ noč na 3 studzienia, paviedamlaje 18-ja eskadrylla kaśmičnaj abarony (18 SDS) Kaśmičnych sił ZŠA, jakaja adsočvaje ruch štučnych abjektaŭ na arbicie. Pryčyna zdareńnia nie ŭstanoŭlena.
Z-za raspadu spadarožnika ŭtvaryłasia, prynamsi, 85 abłomkaŭ, jakija možna adsačyć. Heta vobłaka kaśmičnaha śmiećcia krucicca na vyšyni 1169 kiłamietraŭ nad Ziamloj. Z-za pamieraŭ vobłaka na jaho źniščeńnie atmaśfiernym ciskam spatrebicca bolš za stahodździe.
Spadarožnik byŭ zapuščany na arbitu Ziamli ŭ mai 2014 hoda rakietaj-nośbitam «Rokat» z tryma vajskovymi spadarožnikami suviazi «Krynica».
Jak piša Space.com, daśledčyki miarkujuć, što spadarožniki «Kosmas-2499» i «Kosmas-2491» mieli technałohiju dla pieraśledu i vyvadu z ładu inšych spadarožnikaŭ. U Raskosmasie śćviardžali, što spadarožniki stvorany nibyta dla mirnych metaŭ.
Pa danych Jeŭrapiejskaha kaśmičnaha ahienctva, na hety momant na arbicie majecca kala 36 500 abłomkaŭ kaśmičnaha śmiećcia pamieram nie mienš za 10 santymietraŭ.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
u tym samym mai, kali
"v Donieckoj i Łuhanskoj obłastiach byli proviedieny riefieriendumy o samoopriedielenii, po itoham kotorych było objavleno o «hosudarstviennoj samostojatielnosti» DNR i ŁNR"