Prapahandysty ŭdakładnili, što arhanizacyjaj žanočych maršaŭ zajmałasia Kaściuhova-małodšaja
U materyjał praŭładnaj «Minskaj praŭdy», jakaja zajmajecca aśviatleńniem zakrytaha sudovaha pracesu pa spravie Nechta, uniesiena praŭka, datyčnaja asoby arhanizatarki ŭ 2020 hodzie žanočych maršaŭ.
Raman Pratasievič, dajučy na sudzie pakazańni, adchryściŭsia ad asabistaha ŭdziełu ŭ arhanizacyi žanočych maršaŭ, skazaŭšy, što hetym zajmałasia Kaściuhova. Prapahandysty padali spravu tak, što majecca na ŭvazie palitźniavolenaja palitołah Valeryja Kaściuhova.
Suprać takoj interpretacyi rašuča zapiarečyła dačka Valeryi Kaściuhovaj Nastaśsia, jakaja ciapier znachodzicca za miažoj. Jana napisała:
«Darahija prakuratura, sud, śledčyja i chto tam jašče. Dla pratakoła: u internecie lažyć mnostva roznych intervju, dzie ja całkam čystasardečna pryznajusia, što suarhanizacyjaj žanočych maršaŭ zajmałasia ja. Mama nikoli nie mieła da hetaha nijakaha dačynieńnia. Jak i Pratasievič».
Jak ni dziŭna, heta akazała na prapahandystaŭ uździejańnie i ŭ ich materyjale na sajcie «Minskaj praŭdy» zroblena ŭdakładnieńnie.
Čytajcie taksama:
Nastaśsia Kaściuhova adreahavała na pakazańni Pratasieviča: Žanočymi maršami zajmałasia ja, mama nikoli nie mieła da hetaha dačynieńnia
«Maršruty abmiarkoŭvalisia z Palčysam, a žanočymi maršami zajmałasia Kaściuhova». Pratasievič daje pakazańni ŭ sudzie
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
-
Vajskoŭcy źbili jak minimum adzin bieśpiłotnik 26 lutaha nad Homielem
Kamientary