Ekanomika

Apublikavali rejtynh akcyjaniernych tavarystvaŭ, pa-za kankurencyjaj banki

Rejtynhavaje ahienctva BIK Ratings sumiesna ź inviestycyjnaj kampanijaj AIGENIS praviali maštabnaje daśledavańnie biełaruskich AAT i skłali rejtynh samych lepšych i efiektyŭnych arhanizacyj krainy. Raskazvajem, kamu dastalisia pieršyja miescy.

U rejtynh uvajšli 100 kampanij i pradpryjemstvaŭ ź Biełarusi. Kožnaj arhanizacyi prysvojvałasia ad 0 da 100 bałaŭ pa takich pakazčykach, jak:

  • Efiektyŭnaść i prybytkovaść. 
  • Likvidnaść akcyj. 
  • Dynamika siaredniaha biržavoha koštu adnoj akcyi. 
  • Dynamika rostu emitenta

Zatym z užyvańniem vahavych kaeficyjentaŭ i mietadaŭ narmalizacyi hetyja bały sumavalisia dla vyličvańnia ahulnych adznak.

U vyniku pieršyja 10 miescaŭ u rejtynhu zaniali:

  1. AAT «Pryjorbank».
  2. AAT «ASB Biełarusbank».
  3. AAT «Śbierbank».
  4. Budaŭniča-pramysłovaje AAT «Bresthazaaparat».
  5. AAT «Biełenierharemnaładka».
  6. AAT «Mahazin № 45. Spažyvieckija tavary».
  7. Sumiesnaje AAT «Homielkabiel».
  8. AAT «Homielskaja meblevaja fabryka «Prahres».
  9. AAT «Babulina krynka».
  10. AAT «Ciaplicmantaž».

Daśledavańnie pakazvaje, što pieršyja try pryzavyja miescy zajmajuć najbujniejšyja banki Biełarusi, siarod jakich lidaram rejtynhu źjaŭlajecca AAT «Pryjorbank». Charakterna, što jaho ŭłaśnica — adna z daččynych struktur aŭstryjskaj bankaŭskaj hrupy Raiffeisen Bank International, jakaja da hetaha času maje vielmi ciesnyja suviazi z Rasijaj i raźmiaščaje u siabie zvyš 20 młrd jeŭra rasijskich układaŭ (što niadaŭna vyklikała adkrytyja padazreńni z boku sankcyjnych orhanaŭ ZŠA i Jeŭropy).

Usiaho ŭ Biełarusi, pavodle praviedzienaha analizu, ciapier isnuje kala 2048 adkrytych akcyjaniernych tavarystvaŭ (źviestki za studzień 2023 hoda). 

Pry hetym ich kolkaść užo try hady niaŭchilna źnižajecca: Biełaruś z 2020 hoda straciła 241 AAT ci 3,6% ad ahulnaj kolkaści na toj momant (2289).

Jak stała viadoma, za 2022 hod tolki 163 adkrytyja akcyjaniernyja tavarystvy ździajśniali biržavyja apieracyi sa svaimi akcyjami. Taksama statystyka pakazała, što na dadzieny momant siarod dźviuch tysiač AAT tolki 137 arhanizacyj ustojliva płaciežazdolnyja. U toj ža čas publičnaja finansavaja spravazdačnaść jość tolki ŭ 142 kampanij.

Aŭtary daśledavańnia padkreślivajuć, što ŭsia infarmacyja dla analizu była ŭziataja z publičnych krynic, a sama spravazdača nie tyčyłasia niarynkavych finansavych apieracyj kampanij.

Z poŭnaj viersijaj daśledavańnia možna taksama aznajomicca ​​tut.

Čytajcie jašče:

ZŠA pašyryli śpis tavaraŭ, jakija zabaroniena ekspartavać u Biełaruś i Rasiju. Tam smartfony i bytavaja technika

Statusbank prypyniŭ mahčymaść adkryćcia biahučych rachunkaŭ u jeŭra

Rasija spyniła pastaŭki nafty ŭ Polšču

Kamientary

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu3

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Rabavańni, zhvałtavańni i navat kradziež adzieńnia z truny: Minsk kryminalny pry Stalinie2

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu3

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić