The New York Times: Rasija prajhrała bujnuju tankavuju bitvu za Vuhladar, patrapiŭšy ŭ zasadu
Rasija prajhrała maštabnuju tankavuju bitvu za Vuhladar Danieckaj vobłaści, patrapiŭšy ŭ zasadu USU, hetak ža, jak padčas nastupu tankavymi kałonami ŭ pačatku poŭnamaštabnaha ŭvarvańnia, piša aŭtarytetnaje amierykanskaje vydańnie The New York Times.
Jak paviedamlaje NYT, kadry, źniatyja ŭkrainskimi vajskovymi bieśpiłotnikami, śviedčać, što na palach vakoł Vuhladara stajać padarvanyja na minach, padbityja artyleryjaj abo źniščanyja supraćtankavymi rakietami korpusy rasijskaj braniatechniki.
«U praciahłym bai abodva baki adpravili ŭ boj tanki, jakija z hrukatam pieraadolvali hruntavyja darohi i manieŭravali vakoł lesapałos. Rasijanie nastupali kałonami, a ŭkraincy manieŭravali ŭ abaronie, viali ahoń zdalok abo z chovanak, kali rasijskija kałony traplali ŭ pole ich prycełu.
Kali ŭsio skončyłasia, akazałasia, što Rasija nie tolki nie zmahła zachapić Vuhladar, ale i dapuściła tuju ž pamyłku, jakaja kaštavała Maskvie sotni tankaŭ u pačatku vajny, kali kałony, jakija nastupali, traplali ŭ zasady».
U bitvie pad Vuhladaram, jak adznačajuć ukrainskija vajskoŭcy, Rasija straciła, prynamsi, 130 tankaŭ i bronietransparcioraŭ.
Čytajcie taksama:
Minabarony Vialikabrytanii: Pad Bachmutam iduć ciažkija bai, Rasija rychtujecca da novaha nastupu na Vuhladar
Rasijski kamandzir zaklikaŭ «źnieści pierad saboj usio», kab uziać «niedahorad Vuhladar»
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary