Paźniak: Z 1919 pa 1953 hady stalinisty‑rusifikatary zabili bolš za 2 młn. biełarusaŭ
Pra heta havorycca ŭ liście staršyni Kansiervatyŭna‑chryścijanskaj partyi — BNF Zianona Paźniaka, jaki 1 listapada na mitynhu ŭ Kurapatach pračytaŭ adkazny sakratar partyi Valeryj Bujvał.
U adoźvie lidera KCHP‑BNF z nahody Dziadoŭ adznačajecca, što «vorahi čałaviectva źniščyli zamožnaje pracoŭnaje sialanstva, biełaruskuju šlachtu i adukavanych ludziej». «Savieckaja akupacyja Biełarusi pavinna być pryznana režymam hienacydu i pacyfikacyi naroda», — havorycca ŭ pasłańni.
Vystupajučy kala Kryža pakut, namieśnik staršyni KCHP‑BNF Siarhiej Papkoŭ adznačyŭ, što ŭdzielniki tradycyjnaha šeścia pryjšli va ŭročyšča, kab addać daninu pavahi prodkam, jakich zabili rasijskija katy. «My pryjšli siudy, tamu što našy prodki paklikali nas 20 hadoŭ tamu. I my pryjšli, uspomniŭšy, chto my jość.
Adhuknuŭšysia na poklič prodkaŭ, my nabyli svabodu i niezaležnaść, jakija nieabchodna adstajać», — skazaŭ Papkoŭ.
Pavodle słoŭ namieśnika staršyni KCHP‑BNF Jurasia Bieleńkaha, dziaržaŭnyja ŚMI pišuć pra toje, što ciapierašnija ŭłady nie adkaznyja za achviary, jakija pachavany ŭ Kurapatach. «Tak, jany nie stralali, adnak, ustanaŭlivajučy na štučnaj «Linii Stalina» biust Stalinu, jany stralajuć słovami, idejami, zabivajuć dušy ludziej», — padkreśliŭ Bieleńki.
Jon zaklikaŭ biełarusaŭ abjadnacca ŭ baraćbie za svabodu i demakratyju.
Padčas mitynhu jaho ŭdzielniki nieadnarazova vykonvali himn na słovy Natalli Arsieńnievaj «Mahutny Boža».
Paśla mitynhu ŭ Kurapatach było ŭstanoŭlena amal 20 novych kryžoŭ, zroblenych pierad pačatkam akcyi. Kala ich byli zapaleny łampady, uskładzieny kvietki.
Viečaram 31 kastryčnika pradstaŭniki hramadskaści i milicyi ažyćciaŭlali dziažurstva ŭ Kurapatach, kab nie dapuścić aktaŭ vandalizmu, jakija stali sistematyčnymi ŭ apošnija hady napiaredadni Dziadoŭ.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary