Ijerarch dziakuje lekaram i ŭsim, chto za jaho molicca.
3-ha sakavika arcybiskup Tadevuš Kandrusievič byŭ vypisany z balnicy. Viarnuŭšysia dadomu, zasłužany ijerarch praz partał Catholic.by padziakavaŭ Bohu, lekaram i ŭsim, chto za jaho molicca.
«Kali z vusnaŭ lekaraŭ-ankołahaŭ pačuŭ dyjahnaz «miełanoma», to, uśviedamlajučy surjoznaść chvaroby, paŭtaryŭ słovy Śviatoha Pisańnia: «Kali prymajem ad Boha dabro, to čamu nie možam pryniać zło?» (par. Joŭ 2, 10), bo, moža, pryjšoŭ čas, kali stanaŭlusia niepatrebnym słuhoj (par. Łk 27, 10). Davieryŭ siabie Bohu i maliŭsia ab zdaroŭi, ale pry hetym zhadžaŭsia z Božaj volaj.
Z takim nastrojem loh na apieracyjny stoł ź vieraju, što, z Božaj dapamohaj i zastupnictvam Maryi, lekary zmohuć zrabić usio mahčymaje.
Siońnia, kali vyjšaŭ sa špitala, dziakuju Bohu za paśpiachovy kurs lačeńnia.
Dziakuju lekaram za ich prafiesijanalizm i achviarnaje słužeńnie chvorym.
Słovy ŭdziačnaści kiruju biełaruskim biskupam, śviataram, kansiekravanym asobam, viernikam i ludziam dobraj voli za malitvy i salidarnuju padtrymku.
Dziakuju tym, chto maliŭsia za miažoj i ŭspamahaŭ u hety čas novych vyprabavańniaŭ.
Niachaj Usiemahutny Boh adździačyć usim vam svaim ščodrym błahasłaŭleńniem, a Božaja Maci achinaje płaščom svajoj apieki, ab čym malusia.
Nadalej uskładaju nadzieju na Boha, Najśviaciejšuju Pannu Maryju i lekaraŭ.
Z prośbaj ab malitvie i duchoŭnaj padtrymcy paŭtaraju słovy Chrysta: «Ojča, kali Ty žadaješ, adchili ad Mianie hety kielich. Ale nie Maja vola, a Tvaja niachaj staniecca» (Łk 22, 42).
Z nadziejaj chutka viarnucca da pastyrskaha słužeńnia ludziam, malitoŭnaj pamiaćciu i błasłaŭleńniem u imia Ajca, i Syna, i Ducha Śviatoha».
-
«Hory rastuć, nam potym hetym dychać». Žychary šmatpaviarchovika ŭ Łošycy niezadavolenyja «śniežnym susiedam»
-
Fejkavaja žurnalistka «Novoj haziety. Jevropa» sprabuje naniać na pracu viadomych biełarusaŭ — prapanovy atrymali Łosik, Rahatko
-
Za piedafiliju aryštavali vykładčyka robatatechniki z Pastavaŭ. Naličyli 17 paciarpiełych
Kamientary
da. otlično. malinovoho ćvieta, a śvierchu bantik ili pompončik
1) vsie-taki ułybajetsia iz viežlivosti i chłopajet
2) ili ośvistyvajet i zabrasyvajet jeho pomidorami ?