Upieršyniu biełaruska finišavała na ŭsich šaści samych značnych marafonach śvietu
U niadzielu, 5 sakavika, biełaruska Ała Kasabuckaja pieraadoleła Takijski marafon, paviedamlaje kanał «RobimNohi».
Adnačasova z hetym u Biełarusi źjaviłasia pieršaja ŭładalnica miedala World Marathon Majors Six Star Finishers, jakim uznaharodžvajuć tych, chto zdoleŭ skaryć usie šeść topavych marafonaŭ śvietu: Bostanski, Ńju-Jorkski, Čykahski, Bierlinski, Łondanski i Takijski.
Ała paśladoŭna z 2015 hoda finišavała na elitnych marafonach, ale svaje karektyvy ŭnios kavid, i apošni ź pieraliku, Takijski marafon, udałosia skaryć tolki siońnia, na try hady paźniej, čym płanavałasia.
Nižej — vyniki Ały na ŭsich šaści marafonach:
2015 — Ńju-Jork (4:05:28),
2016 — Čykaha (3:35:33),
2017 — Bierlin (3:17:22),
2018 — Bostan (3:21:36),
2019 — Łondan (3:05:43),
2023 — Tokia (3:24:17).
Aproč svaich marafonskich podźvihaŭ, Ała Kasabuckaja viadomaja taksama tym, što ŭ 2021 hodzie stała pieršaj biełaruskaj, jakaja zdoleła ŭzyści na haru Džamałunhma — najvyšejšy punkt płaniety.
Napiaredadni siońniašniaha marafonu ŭ Tokia ŭsie šeść topavych marafonaŭ pieraadoleła 8143 čałavieki. Ź ich 1544 pradstaŭlajuć ZŠA, 771 — Vialikabrytaniju, 453 — Italiju, 439 — Hiermaniju, 400 — Kitaj.
Siarod susiedziaŭ Biełarusi 86 uładalnikaŭ miedala World Marathon Majors Six Star Finishers pachodziać z Polščy, 37 — z Rasii, 11 — z Ukrainy, 3 — ź Litvy, 2 — z Łatvii.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak12
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary