«Heta trajanski koń». Kitaj moža špijonić z dapamohaj partovych kranaŭ — krynicy ŭ Pientahonie
Vydańnie The Wall Street Journal ekskluziŭna paviedamiła, što ŭ kitajskich partovych kranach mohuć być schavany špijonskija pryłady.
Havorka idzie pra vialikija hruzavyja krany ad kitajskaj kampanii ZPMC, jakija pracujuć u amierykanskich marskich partach hramadzianskaha i vajskovaha pryznačeńnia pa ŭsich Złučanych Štatach.
Pradstaŭniki Pientahona i inšych vyviedvalnych viedamstvaŭ zajavili vydańniu WSJ, što ŭ hetych kranach moža być schavana špijonskaje abstalavańnie, pry dapamozie jakoha Kitaj moža źbirać źviestki ab marskoj łahistycy ZŠA i vajskovych pastaŭkach amierykanskaj zbroi pa ŭsim śviecie.
«Hetyja krany jak trajanski koń. Choć jany i dobra zrobleny za nievialikuju canu, jany źmiaščajuć u sabie składanyja datčyki, jakija mohuć rehistravać i adsočvać pachodžańnie i miesca pryznačeńnia marskich kantejnieraŭ. Jość surjoznyja padazreńni, što Kitaj takim čynam moža adsočvać patok tavaraŭ u Złučanyja Štaty i za ich miežy, a taksama sačyć za pieramiaščeńniem našaj zbroi pa ŭsim śviecie, nie kažučy ŭžo ab mahčymaści dystancyjnaha abvalvańnia ŭsioj łahistyki», — paviedamili WSJ pradstaŭniki Pientahona i inšych viedamstvaŭ.
U samoj kitajskaj kampanii ZPMC pakul nijak nie prakamientavali hetuju infarmacyju, adnak na jaje ŭžo paśpieŭ adreahavać pradstaŭnik kitajskaj ambasady ŭ ZŠA, nazvaŭšy padobnyja padazreńni «ŭsiaho tolki paranojiaj».
Čytajcie jašče:
ZŠA abvinavacili kampaniju z Kitaja ŭ pieradačy spadarožnikavych zdymkaŭ PVK «Vahnier». Pryhožyn adkazaŭ
Dyrektar FBR ličyć uciečku z kitajskaj łabaratoryi najbolš imaviernaj pryčynaj pandemii karanavirusa
«Niebiaśpiečny». Jeŭrakamisija zabaraniła svaim supracoŭnikam karystacca TikTok na ŭsich pryładach
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary