Kachańnie i seks77

Biełaruski brend zachacieŭ ablehčyć mužčynam padbor bializny ŭ padarunak žonkam. Ale pajšło nie tudy

Napiaredadni 8 Sakavika ŭ akaŭncie brenda Mark Formelle źjavilisia dva dopisy, jakija vyklikali palarnuju reakcyju. 

Fota: instahram Mark Formelle

Kab mužčynam było lahčej vyśvietlić, jaki ž raźmier bializny pasuje kankretnaj žančynie, markietołahi Mark Formelle prapanavali paraŭnoŭvać žanočyja hrudzi z harodninaj i sadavinoj. Dla paraŭnańnia byli prapanavanyja kapusta, hranat, limon, kivi, apielsin, jabłyk dy mandaryn.

Ideja, adnak, vyklikała abureńnie žančyn. Mnohija paličyli paraŭnańni Mark Formelle prosta prynižalnymi. Voś niekalki papularnych kamientaroŭ:

«Pa-pieršaje, heta niejkaje źnievažalnaje i niedarečnaje paraŭnańnie. Pa-druhoje, biusthaltar biez prymierki kuplać nielha, bo ad taho, nakolki jon dobra i pravilna siadzić, naŭprost zaležyć zdaroŭje žančyny! Vaš markietołah pravaliŭ zadańnie na ŭsie 1000%. Zamiest stanoŭčych vodhukaŭ atrymajecie kuču chiejtu ad žančyn».

«Voś tak i hublajecca metavaja aŭdytoryja brenda. Ale kali heta chvalavała biełaruski biznes?»

«Oj, a čamu z trusami na 23 lutaha takoha nie było?»

«Mała što ceny stavicie r*sijskija (peŭna na r*siju pracujecie, što ŭžo hańba), dyk jašče j paraŭnoŭvać hrudzi z sadavinoj, što dehumanizuje. Padvojnaja hańba, karaciej. Horš tolki zen wear. Adno rasčaravańnie ŭ miascovych vytvorcach apošnim časam, sumna».

Na post brenda adreahavała i fieminisckaja supolnaść GIRLS POWER BELARUS. Jana adznačyła sumnieŭnaść paraŭnańnia žanočaha cieła z kapustaj, kivi i jabłykami, a taksama zaŭvažyła: «Šmatlikija žančyny vydatna viedajuć pamiery bializny svaich mužoŭ/chłopcaŭ i synoŭ i kuplajuć jaje biez sadavinna-harodninnych asacyjacyj».

Na samo śviata 8 Sakavika Mark Formelle vypuściŭ inšy post — z hifkaj mužčyn u bialiźnie ad samoha brenda, jakija vinšujuć žančyn tancam.

Hetym razam karystalniki sacsietak aburylisia tym, što na śviata, jakoje źviazvajuć z baraćboj za žanočyja pravy, prychilnicy brenda atrymali stereatypna seksisckaje vinšavańnie:

«U mianie niama słoŭ ad šoku ad taho, u što pieratvaryli hetaje śviata. 8 Sakavika — Mižnarodny Dzień Žanočaj Salidarnaści i Baraćby z Emansipacyjaj i Hiendarnaj Niaroŭnaściu. I baraćba z hiendarnaj niaroŭnaściu idzie da hetaha času i pastajanna. Lepš by rečy zrabili ź fieminisckimi i aktyvisckimi nadpisami, naprykład: My Body — My Choice, No Harassment, No Rape, No Misogyny i hetak dalej. Ale nie videa z mužčynami ŭ trusach, heta vyhladaje maksimalna krynžova».

«Kali ščyra, to absalutna nie estetyčna i nie śviatočna! Była ŭ vas daŭno rekłama, dzie mužčyny šyjuć trusy, voś tam było źniata prosta supier, a heta prosta Antyseks… vośmaje, sakavika, lezie ŭ trusy ruka… nu prama…»

«Najhoršaje vinšavańnie ŭ žyćci… kudy skaciŭsia «Mark Farmel».

Adnak u dadzienym vypadku bolšaść kamientataraŭ byli zadavolenyja śviatočnaj publikacyjaj:

«Uzrušvaje! Tak radasna nazirać, što vy ŭvasablajecie svaje idei biez saramlivaści)) Adzin z samych lubimych i prasunutych brendaŭ na biełaruskim rynku❤ Sa śviatam žanočuju častku vašaj kamandy!»

«Šykoŭnyja mužčyny! Dziakuj za dobry nastroj».

«Naša Niva» — bastyjon biełaruščyny

PADTRYMAĆ

Kamientary7

  • antyseks
    09.03.2023
    ka pusta... li mon
    nu "spasiba", što
    nie z vušami paraŭnali... roznych sabačak
  • Dievannyj voin
    10.03.2023
    imienno poetomu ja užie kak 20 let s*ať chotieł na 8 marta i 23 fievrala.
  • Čytač
    10.03.2023
    Taki savok u markietynhu, što navat śmiešna. I jašče hetyja "darahija mužčyny"... I smajły...
    SMM-mieniedžaru 17 hadoŭ?

Ciapier čytajuć

Ninu Bahinskuju vyzvalili biez pakarańnia, kryminalnuju spravu spynili2

Ninu Bahinskuju vyzvalili biez pakarańnia, kryminalnuju spravu spynili

Usie naviny →
Usie naviny

Volha Siamaška pryniała rašeńnie prypynić supracu ź biełaruskimi prajektami11

«Treba adšturchnucca ad dna, ale hetaha šturška nie adbyvajecca». Na zmahańnie z padziažom žyvioły vyjšaŭ hienierał Karajeŭ7

Rasijskija vojski majuć pośpiechi na Sumščynie

Łukašenka zajaviŭ, što padziež žyvioły ŭ Biełarusi dasiahnuŭ «histaryčnaha maksimumu»16

«Streł u śpinu». Rasija abvinavaciła Sierbiju ŭ pastaŭcy bojeprypasaŭ Ukrainie1

U Park vysokich technałohij pryznačyli novaha dyrektara1

Adyška ŭ Łukašenki ciapier užo i kali jon havoryć siedziačy VIDEAFAKT10

Matč futbolnaj zbornaj z-za kiepskaha stanu pola pieranieśli sa stadyjona «Dynama» ŭ Barysaŭ

U Raduni na aŭkcyjonie pradali budynak staroj ješyvy

bolš čytanych navin
bolš łajkanych navin

Ninu Bahinskuju vyzvalili biez pakarańnia, kryminalnuju spravu spynili2

Ninu Bahinskuju vyzvalili biez pakarańnia, kryminalnuju spravu spynili

Hałoŭnaje
Usie naviny →

Zaŭvaha:

 

 

 

 

Zakryć Paviedamić