Byłoha ŭładalnika «Motavieła» vyzvalili ŭmoŭna-daterminova — «Biełsat»
Byłoha ŭładalnika zavoda «Motavieła» Alaksandra Muraŭjova vyzvalili ŭmoŭna-daterminova, pa sutnaści, jon «raźličyŭsia ź biełaruskim «pravasudździem». Pra heta telekanału «Biełsat» paviedamiła «niezaležnaja daśviedčanaja krynica».
Učora vydańnie Office Life paviedamiła, što eks-uładalnik «Motavieła» i škłozavoda «Jalizava» biznesmien Alaksandr Muraŭjoŭ byŭ vyzvaleny niedzie ŭ śniežni-studzieni i praktyčna adrazu pakinuŭ krainu. Jak miarkujecca, ciapier jon žyvie ŭ Dubai (AAE).
U studzieni 2017 hoda biznesmiena asudzili da 11 hadoŭ pazbaŭleńnia voli z kanfiskacyjaj majomaści za machlarstva, kradziažy, niavypłatu padatkaŭ i inšyja złačynstvy. Hety termin zastaŭsia i paśla druhoha suda: u mai 2018 hoda biznesmiena sudzili za niavypłatu padatkaŭ u asabliva bujnym pamiery.
Na pačatku hoda źjaŭlałasia infarmacyja, što Muraŭjoŭ nieŭzabavie apyniecca na voli, bo jamu źmianili mieru ŭtrymańnia — z kałonii na «chimiju».
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary