U Maładziečnie sutyknulisia try mašyny. Adnu razłamała na dźvie častki
Zdareńnie adbyłosia na vulicy Vialiki Haściniec siońnia ranicaj. Pavodle papiarednich źviestak, paškodžańni atrymali kiroŭcy «Chondy» i «Fijata», paviedamlaje kraj.by.
DTZ zdaryłasia prykładna kala 07:15 — 07:20. U im udzielničali try aŭtamabili — «Chonda», «Fijat» i «Žyhuli». Adnu z mašyn, jakaja faktyčna razvaliłasia na častki, pryjdziecca evakujavać pry dapamozie padjomnaha krana. Pavodle papiarednich źviestak, kiroŭca «Fijata» atrymaŭ pierałom dvuch rebraŭ i traŭmu hrudnoj kletki. Hetyja traŭmy charakternyja dla situacyi, kali kiroŭca byŭ pryšpileny remieniem biaśpieki.
U kiroŭcy «Chondy» padazrajuć čerapna-mazhavuju traŭmu i paškodžańnie pazvanočnika. «Žyhulami» kiravaŭ pažyły mužčyna. Dziadula cialesnych paškodžańniaŭ, pavodle papiarednich źviestak, nie atrymaŭ, ale znachodziŭsia ŭ stanie, padobnym na šok. Jaho mašyna paciarpieła mienš za ŭsio.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary