U Akademii navuk Biełarusi abmierkavali, kolki nastaŭniki pavinny płacić za abiedy ŭ škołach. Prydumali cikavuju schiemu
Raniej piedahohi niekatorych škoł paviedamlali, što im zabaranili kuplać ježu ŭ stałovych, dzie charčujucca vučni. U Akademii navuk Biełarusi abmierkavali pytańni charčavańnia ŭ škołach dziaciej i nastaŭnikaŭ na pasiadžeńni mižviedamasnaj kaardynacyjnaj rady pa prablemach charčavańnia, paviedamlaje Sputnik.
«Z pačatku hetaha hoda abmiarkoŭvajucca pytańni ab arhanizacyi charčavańnia nastaŭnikaŭ u školnaj stałovaj. Pytańnie — kolki nastaŭniki pavinny płacić za abied?» — źviarnuŭ uvahu adzin z dakładčykaŭ, prafiesar kafiedry tavaraznaŭstva i arhanizacyi handlu BDUT Siarhiej Masanski.
Pavodle jaho słoŭ, ciapier abmiarkoŭvajucca cenavyja kaeficyjenty dla nastaŭnikaŭ, jakija znachodziacca ź dziećmi ŭ stałovaj padčas abiedu (čaściej za ŭsio heta kłasnyja kiraŭniki), i dla inšych piedahohaŭ.
«Kali jany buduć płacić stolki ž, jak školniki, to heta razhladajecca jak nieabhruntavanaja lhota. U nas jość prapanova. Razhladajem heta takim čynam: dla nastaŭnikaŭ, jakija znachodziacca niepasredna ź dziećmi ŭ stałovaj za adnym stałom padčas abiedu, kaeficyjent budzie 1,0 — heta značyć, charčavańnie za tuju ž canu, jak i dla školnikaŭ», — adznačyŭ jon.
Dla ŭsich inšych nastaŭnikaŭ, nie zaniatych ź dziećmi ŭ abiedziennaj zale, prapanujecca ŭstanavić kaeficyjent 1,3.
«Dla infarmacyi skažu: ciapier školny abied dla starejšych školnikaŭ kaštuje da 2 rubloŭ. Ale ŭ pieršym vypadku nastaŭnik zajmajecca piedahahičnaj vychavaŭčaj pracaj, heta značyć, farmavańniem u dziaciej pravilnych charčovych pavodzin.
U Niamieččynie, Šviecyi i Finlandyi nastaŭnikam vydatki na abied kampiensuje dziaržava. Abo čas, praviedzieny ŭ stałovaj z vučniami, zaličvajecca ŭ jakaści dadatkovaj piedahahičnaj nahruzki», — kanstatavaŭ Masanski.
Raniej nastaŭniki z šerahu škoł paviedamlali, što im zabaranili kuplać ježu ŭ stałovych, dzie charčujucca vučni. Pryčyna ŭ tym, što ceny na školnyja abiedy subsidujucca, i jany ŭstanoŭlenyja mienavita dla dziaciej.
Paźniej Minadukacyi zajaviła, što prablem z charčavańniem nastaŭnikaŭ niama ni ŭ adnoj škole krainy, i nazvaŭ heta fejkam. Kiraŭnik viedamstva Andrej Ivaniec u svaju čarhu anansavaŭ pryniaćcie papraŭki ŭ Kodeks ab adukacyi, jakaja ŭstanaŭlivaje ŭsie ŭmovy dla takoha charčavańnia. Adnak košt abiedu budzie «ź nievialikim pavyšajučym kaeficyjentam».
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik20
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1212
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć12
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary