U Minadukacyi raskazali, jak nastaŭniki buduć charčavacca ŭ stałovaj
Apłata za abied, jaki dla dziaciej datujecca dziaržavaj, dla nastaŭnikaŭ budzie pravodzicca ź nievialikim pavyšajučym kaeficyjentam. Pra heta paviedamiŭ ministr adukacyi Andrej Ivaniec, piša BiełTA.
Pa słovach ministra, paśla publikacyj u ŚMI skarhaŭ nastaŭnikaŭ na zabaronu charčavacca ŭ školnych stałovych Minadukacyi, narešcie, źviarnuła ŭvahu na prablemu.
— Va ŭsich škołach miescy dla pryjomu ježy piedahohami abstalavanyja, a vykanańnie hetaj normy znachodzicca na pastajannym kantroli, — zajaviŭ Ivaniec, dadaŭšy, što ŭsie abłvykankamy ciapier čarhovy raz pravodziać manitorynh.
Jon zapeŭniŭ, što ŭ bolšaści škoł nastaŭniki mohuć charčavacca ŭ školnaj stałovaj. U vypadku, kali abiedy hatujuć kambinaty školnaha charčavańnia, nastaŭniki mohuć apłacić svoj abied sami, a voś tam, dzie charčavańnie arhanizuje sama škoła, situacyja bolš składanaja.
— Na siońnia praktyčna hetaja prablema vyrašana. Apłata za abied, jaki dla dziaciej datujecca dziaržavaj, dla nastaŭnikaŭ budzie pravodzicca ź nievialikim pavyšajučym kaeficyjentam, — zajaviŭ ministr adukacyi.
Jon raspavioŭ, što ŭrad padrychtavaŭ adpaviedny zakonaprajekt ab novaj normie ŭ Kodeksie ab adukacyi — jon užo ŭzhodnieny i ŭ chutkim časie pastupić u parłamient, razhledzieć jaho płanujuć u «samyja karotkija terminy z-za aktualnaści prablemy».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary