Aŭtarka «krynžu» Jeŭfrasińni Połackaj stvaryła mierč dla hurta Naviband
Mastačka Alena, jakaja niadaŭna prydumała krynžavyja futbołki ź Jeŭfrasińniaj Połackaj, namalavała kłasny prynt dla mierču hrupy Naviband. Na futbołkach — koła ahladu z parku Horkaha jak adzin ź simvałaŭ Minska i radok ź pieśni «Śviaci», piša CityDog.io.
Jak raskazała sama mastačka ŭ kamientary CityDog.io, prapanova ab supracoŭnictvie pastupiła joj ad hurta mienavita paśla pasta z futbołkaj pra «kryž-krynž».
«Jany mnie adrazu raskazali, što ŭ ilustracyi dla futbołak chacieli b abyhrać koła ahladu z parku Horkaha, jakoje jość i ŭ klipie na pieśniu «Śviaci». Ja pahladzieła klip niekalki razoŭ, i mnie vielmi zapaŭ radok «Dzie maje sonca budzie śviacić?».
Mnie hetyja słovy zdalisia supieraktualnymi ŭ ciapierašnich realijach. Padumałasia, što koła samo jak sonca i toj samy majak, asabliva dla biełarusaŭ, dla minčukoŭ i tych, chto vymušana apynuŭsia ŭdalečyni ad doma.
Naohuł składana apisać słovami toje, što malavaŭ z peŭnymi dumkami i pačućciami. Mnie zdajecca, što hetyja słovy pra sonca i koła, jakoje dla nas jak simvał Minska i doma, z pramianiami, jak u sonca, vielmi ŭpisalisia ŭ ahulnuju kancepcyju mierču».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary
kakaja krasata
ale niedzie dauno ja heta ŭžo bačyła
skušno
płahiat