Аўтарка «крынжу» Еўфрасінні Полацкай стварыла мерч для гурта Naviband
Мастачка Алена, якая нядаўна прыдумала крынжавыя футболкі з Еўфрасінняй Полацкай, намалявала класны прынт для мерчу групы Naviband. На футболках — кола агляду з парку Горкага як адзін з сімвалаў Мінска і радок з песні «Свяці», піша CityDog.io.
Як расказала сама мастачка ў каментары CityDog.io, прапанова аб супрацоўніцтве паступіла ёй ад гурта менавіта пасля паста з футболкай пра «крыж-крынж».
«Яны мне адразу расказалі, што ў ілюстрацыі для футболак хацелі б абыграць кола агляду з парку Горкага, якое ёсць і ў кліпе на песню «Свяці». Я паглядзела кліп некалькі разоў, і мне вельмі запаў радок «Дзе мае сонца будзе свяціць?».
Мне гэтыя словы здаліся суперактуальнымі ў цяперашніх рэаліях. Падумалася, што кола само як сонца і той самы маяк, асабліва для беларусаў, для мінчукоў і тых, хто вымушана апынуўся ўдалечыні ад дома.
Наогул складана апісаць словамі тое, што маляваў з пэўнымі думкамі і пачуццямі. Мне здаецца, што гэтыя словы пра сонца і кола, якое для нас як сімвал Мінска і дома, з прамянямі, як у сонца, вельмі ўпісаліся ў агульную канцэпцыю мерчу».
Цяпер чытаюць
Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні2
Каментары
какая красата
але недзе дауно я гэта ўжо бачыла
скушно
плагиат