Uviečary 4 listapada pačaŭsia trochdzionny vizit kiraŭnika Biełarusi va Ukrainu.
Uviečary 4 listapada pačaŭsia trochdzionny vizit Alaksandra Łukašenki va Ukrainu.
U aeraporcie «Baryspal» jon zajaviŭ, što ŭ čaćvier na sustrečy z prezidentam krainy Viktaram Juščankam hałoŭnymi temami stanuć handlova-ekanamičnyja i humanitarnyja adnosiny, supracoŭnictva ŭ ramkach prahramy «Uschodniaje partniorstva», a taksama pytańni, źviazanyja z kančatkovym afarmleńniem biełaruska-ŭkrainskaj miažy.
U pytańni miažy ź biełaruskaha boku u Ukrainy prablem nie budzie, skazaŭ Łukašenka.
Jon taksama zajaviŭ, što nie baicca abvieščanaj u krainie epidemii hrypu.
Na jaho dumku, panika z pryčyny śvinoha hrypu spravakavanaja farmaceŭtyčnymi kampanijami z metaj uzbahačeńnia na ludskim hory.
Pa mierkavańni Łukašenki, padstavaŭ dla paniki niama ni ŭ Biełarusi, ni va Ukrainie, tak jak kolkaść śmierciaŭ ad pnieŭmanii ŭ abiedźviuch krainach značna nižej, čym u minułym hodzie, kali pra śviny hryp nichto ničoha nie čuŭ.
Ažyjataž vakoł hrypu A (H1N1) u Ukrainie Łukašenka źviazaŭ taksama z raspačataj prezidenckaj kampanijaj. Jon vykazaŭ nadzieju, što jaho vizit budzie sadziejničać źniaćciu napružanaści ŭ biełaruskim i ŭkrainskim hramadstvie.
U ramkach vizitu Łukašenka sustreniecca z premjer-ministram Ukrainy Julijaj Cimašenka i śpikieram Viarchoŭnaj Rady Uładzimiram Litvinym.
Ciapier čytajuć
Aryštavany 75‑hadovy Źmicier Sańko — vieteran-vydaviec1
Kamientary