Увечары 4 лістапада пачаўся трохдзённы візіт кіраўніка Беларусі ва Украіну.
Увечары 4 лістапада пачаўся трохдзённы візіт Аляксандра Лукашэнкі ва Украіну.
У аэрапорце «Барыспаль» ён заявіў, што ў чацвер на сустрэчы з прэзідэнтам краіны Віктарам Юшчанкам галоўнымі тэмамі стануць гандлёва-эканамічныя і гуманітарныя адносіны, супрацоўніцтва ў рамках праграмы «Усходняе партнёрства», а таксама пытанні, звязаныя з канчатковым афармленнем беларуска-ўкраінскай мяжы.
У пытанні мяжы з беларускага боку у Украіны праблем не будзе, сказаў Лукашэнка.
Ён таксама заявіў, што не баіцца абвешчанай у краіне эпідэміі грыпу.
На яго думку, паніка з прычыны свінога грыпу справакаваная фармацэўтычнымі кампаніямі з мэтай узбагачэння на людскім горы.
Па меркаванні Лукашэнкі, падставаў для панікі няма ні ў Беларусі, ні ва Украіне, так як колькасць смерцяў ад пнеўманіі ў абедзвюх краінах значна ніжэй, чым у мінулым годзе, калі пра свіны грып ніхто нічога не чуў.
Ажыятаж вакол грыпу А (H1N1) у Украіне Лукашэнка звязаў таксама з распачатай прэзідэнцкай кампаніяй. Ён выказаў надзею, што яго візіт будзе садзейнічаць зняццю напружанасці ў беларускім і ўкраінскім грамадстве.
У рамках візіту Лукашэнка сустрэнецца з прэм'ер-міністрам Украіны Юліяй Цімашэнка і спікерам Вярхоўнай Рады Уладзімірам Літвіным.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары