Ukraina budzie bajkatavać spabornictvy z udziełam rasijskich spartsmienaŭ — ukrainski ŭrad
Ukrainskim spartsmienam nielha budzie brać udzieł u turnirach, na jakich buduć pradstaŭlenyja atlety z Rasii ci Biełarusi. Adpaviednaje rašeńnie pryniataje Kabinietam ministraŭ Ukrainy, paviedamiŭ ministr Aleh Niamčynaŭ u efiry nacyjanalnaha telemarafonu.
Pratakolnaje rašeńnie, jakoje pryniaŭ urad Ukrainy, było ŭchvalenaje pa prapanovie ministra moładzi i sportu Ukrainy, a taksama prezidenta NAK Ukrainy Vadzima Hutcajta. Hetaje rašeńnie raspaŭsiudžvajecca na ŭsie spabornictvy, uklučajučy adboračnyja starty pierad Alimpijadaj-2024.
«Na pasiadžeńni ŭrada pryniataje pratakolnaje rašeńnie pa prapanovie kalehi Hutcajta ab tym, što my ŭdzielničajem u adboračnych spabornictvach [na Alimpijadu-2024] tolki tam, dzie niama rasijan. Adpaviedna, udzieł pa-za hetymi kryteryjami moža być padstavaj dla pazbaŭleńnia fiederacyi statusu nacyjanalnaj», — zajaviŭ Niamčynaŭ.
Detalovaha tłumačeńnia, jak mienavita budzie dziejničać pastanova ŭrada Ukrainy, niama. Naprykład, ci musiać ukrainskija spartsmieny admaŭlacca ad udziełu ŭ turniry, dzie rasijanie ŭ pryncypie jość, ale nie ŭ ich dyscyplinie.
Dyk ci pajedzie Niedasiekaŭ na Alimpijadu? Voś čaho čakać ad asłableńnia spartovaha banu
MAK vystupiŭ za dopusk biełarusaŭ na spabornictvy pad niejtralnym ściaham, ale tolki ŭ indyvidualnych vidach sportu
Ukraina, Polšča i krainy Bałtyi źviarnulisia da MAK z zaklikam nie davać palohki rasijskim i biełaruskim spartsmienam
Kamientary