Zaŭtra ŭ Ženievie adbudziecca sustreča tolki Ukrainy i ZŠA. Trochbakovyja pieramovy mohuć adbycca na pačatku sakavika
U čaćvier, 26 lutaha, kiraŭnik ukrainskaj delehacyi Rustem Umieraŭ sustreniecca z amierykanskimi pieramoŭščykami Styvam Uitkafam i Džaredam Kušnieram. Pra heta paviedamiŭ Uładzimir Zialenski, piša RBK-Ukraina.
«Pieršaje pytańnie — heta prosperity package, heta značyć pakiet adnaŭleńnia Ukrainy, i buduć abmiarkoŭvacca detali. Druhoje pytańnie — padrychtoŭka da trochbakovaj sustrečy, jakaja ŭžo budzie z Rasijaj i, na naš pohlad, adbudziecca na pačatku sakavika».
Raniej Uitkaf zajaviŭ, što nastupny raŭnd trochbakovych pieramovaŭ moža prajści na praciahu 10 dzion.
Taksama jon adznačyŭ, što na papiarednich pieramovach u Abu-Dabi rasijskaja delehacyja prajaviła ŭmieranaść i prademanstravała «sapraŭdnuju kamunikacyju»:
«My padzialilisia na asobnyja pakoi. Adbyvalisia vajennyja pieramovy, abmiarkoŭvali ekanamičnaje raźvićcio. Što da rasijan, my ŭbačyli peŭnuju ŭmieranaść i, dumaju, ubačyli sapraŭdnuju kamunikacyju».
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary