U Kitai zajavili, što nie padtrymlivajuć vajennuju ahresiju Rasii i nie pryznajuć Krym rasijskim
A zajava pra «biaźmiežnaje siabroŭstva» — prosta rytoryka.
Zajava ab «biaźmiežnaj družbie» pamiž Maskvoj i Piekinam nie bolš čym rytaryčny pryjom. Pra heta zajaviŭ pasoł Kitaja ŭ Jeŭrapiejskim sajuzie Fu Cun pierad razmovaj z prezidentam Francyi Emaniuelem Makronam i kiraŭnikom Jeŭrakamisii Ursułaj fon der Lajen, paviedamlaje The New York Times.
Pa słovach kitajskaha dyppradstaŭnika, krytyki niapravilna interpretujuć zajavu lidaraŭ dźviuch krain ab supracoŭnictvie. «[Družba] biez abmiežavańniaŭ» — heta nie što inšaje, jak rytoryka», — skazaŭ jon, kamientujučy minułahodniuju dekłaracyju prezidenta Rasii Uładzimira Pucina i kiraŭnika KNR Si Czińpina.
Fu Cun taksama zajaviŭ, što Piekin nie vystupaje ŭ padtrymku vajennaj apieracyi va Ukrainie, nie pryznaje Krym rasijskim, jak i terytoryi, jakija ŭvajšli ŭ skład Rasii pa vynikach refierendumaŭ minułaj vosieni, i nie akazvaje vajskovuju dapamohu Maskvie.
Sumiesnaja zajava lidaraŭ dźviuch krain, u jakoj havaryłasia, što siabroŭstva pamiž Rasijaj i Kitajem «nie maje miež», a ŭ supracoŭnictvie «niama zabaronienych zon», była padpisana paśla vizitu prezidenta Rasii Uładzimira Pucina ŭ Kitaj u pačatku lutaha minułaha hoda. Tady jon prybyŭ u Piekin na adkryćcio zimovaj Alimpijady, a taksama pravioŭ pieramovy z kiraŭnikom KNR.
U dakumiencie, padpisanym paśla hetaj sustrečy, taksama havorycca, što baki, surjozna zaniepakojenyja «vyklikami ŭ śfiery mižnarodnaj biaśpieki», vystupajuć suprać pašyreńnia NATA i zaklikajuć admovicca ad padychodaŭ časoŭ chałodnaj vajny.
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła27
Kamientary