«Pavyšanaj pahrozy na miažy ź Biełaruśsiu nie fiksujecca» — litoŭskaja armija
Armija Litvy nie fiksuje pavyšanych pahroz na miažy krainy ź Biełaruśsiu paśla taho, jak biełaruskaje vojska pierakinuła da zachodniaj miažy nie mienš za 10 tankaŭ. Pa słovach pradstaŭnikoŭ armii, na hety momant niama padstaŭ pavyšać uzrovień bojehatoŭnaści litoŭskich sałdat abo prymać dadatkovyja miery pa achovie miežaŭ krainy.
«Litoŭskaja armija ŭvieś čas sočyć za situacyjaj ź biaśpiekaj na miažy. Pavyšeńnia pahrozy nie zafiksavana.
Padraździaleńnie, jakoje my bačym la litoŭskaj miažy, dziejničaje ŭ zonie svajoj adkaznaści. U vučeńniach taksama ŭdzielničajuć padraździaleńni ź Minska», — havorycca ŭ piśmovym kamientaryi departamienta stratehičnych kamunikacyj litoŭskaha vojska.
«U ciapierašni čas niama padstaŭ dla dadatkovych dziejańniaŭ abo rašeńniaŭ», — adznačajecca ŭ paviedamleńni.
Hetaja zajava stała reakcyjaj na ŭčarašniaje paviedamleńnie pra toje, što da miažy ŭ Litvoj była pierakinutaja technika 120-j bryhady Uzbrojenych sił Biełarusi ź Minska.
Kamientary