Połacki navukoviec Ihar Bortnik nie vyjšaŭ paśla 10 sutak aryštu
Pavodle infarmacyi «Našaj Nivy», kandydata fiłasofskich navuk Ihara Bortnika nie vypuścili paśla adbyćcia im prysudžanych 10 sutak administracyjnaha aryštu. Na jakoj padstavie jaho praciahvajuć utrymlivać, pakul dakładna nieviadoma.
Były vykładčyk Połackaha dziaržaŭnaha ŭniviersiteta, a paśla supracoŭnik Muzieja biełaruskaha knihadrukavańnia byŭ zatrymany padčas abłavy ŭ Połackim historyka-kulturnym muziei-zapaviedniku, pad jakuju patrapili amal dva dziasiatki čałaviek. Ludziej zatrymlivali metanakiravana pa śpisach i adrasach. Siarod inšych, pad represii patrapiła kiraŭnictva čatyroch muziejaŭ, jakija ŭvachodziać u skład Połackaha historyka-kulturnaha zapaviednika. Adnačasova zatrymańni vialisia siarod aktyŭnych ludziej Navapołacka.
Viadoma, što Ihar Bortnik maje surjoznyja prablemy sa zdaroŭjem, u jaho była doŭhaja i składanaja reabilitacyja paśla nie vielmi ŭdałaj apieracyi pa lačeńni mižpazvanočnaj hryžy. Ciapier u čałavieka balić śpina, siadzieć bolš za paŭhadziny jon nie moža, treba ŭstavać i ruchacca.
Tym časam stała viadoma, što 10 sutak Bortnik adsiedzieŭ pa art. 19.11 (raspaŭsiud «ekstremisckaj» pradukcyi). Ciapier jamu nibyta inkryminujecca artykuł 24.23 (udzieł u niesankcyjanavanych masavych mierapryjemstvach). Novy sud budzie, chutčej za ŭsio, u paniadziełak.
Čytajcie taksama:
Praciahvajucca sudy nad supracoŭnikami Połackaha historyka-kulturnaha muzieja-zapaviednika
Stali viadomyja prysudy niekatorym połackim muziejščykam, a taksama śpis zatrymanych
Prajšli pieratrusy i zatrymańni siarod połackich muziejščykaŭ
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj82
Kamientary