Na sajcie litoŭskaha Departamienta mihracyi źjaviłasia infarmacyja pa-biełarusku i pad bieła-čyrvona-biełym ściaham
Usio čaściej za miažoj dla abaznačeńnia infarmacyi, źviazanaj ź Biełaruśsiu, vykarystoŭvajuć nacyjanalny ściah, a nie łukašenkaŭski. Čarhovaj dziaržaŭnaj strukturaj jeŭrapiejskaj krainy, jakaja vykarystoŭvaje ŭ siabie na sajcie bieła-čyrvona-bieły ściažok, staŭ Departamient mihracyi pry Ministerstvie ŭnutranych spraŭ Litvy.
Departamient mihracyi pry Ministerstvie ŭnutranych spraŭ Litvy vyłučyŭ na svaim sajcie asobny raździeł dla hramadzian Biełarusi i nie tolki paznačyŭ jaho bieła-čyrvonym ściaham, ale i zrabiŭ biełaruskamoŭnuju viersiju.
Taksama Departamient mihracyi, ličačy, što bolšaść nieparazumieńniaŭ pamiž litoŭskimi ŭładami i ludźmi, jakija pryjechali ź Biełarusi, vyklikanaja nierazumieńniem roznych mihracyjnych pracedur, padrychtavaŭ infarmacyjny buklet, u jakim u karotkaj navočnaj formie tłumačacca asnoŭnyja aśpiekty i adroźnieńni pamiž mihracyjnymi pracedurami, i raić ź im aznajomicca.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary