Ekanomika1111

«Skarystalisia dobraj volaj Čaviesa». Eks-ministr Vieniesueły paćvierdziŭ, što Minsk nie viarnuŭ jaho krainie kala 1,5 młrd dalaraŭ

Biełaruś vinnaja Vieniesuele kala 1,5 miljarda dalaraŭ za naftu, nabytuju ŭ časy kiravańnia Čaviesa. Hetuju infarmacyju ŭ intervju OCCRP paćvierdziŭ Rafael Ramires, jaki z 2002 pa 2013 hady zajmaŭ pasadu ministra nafty i hornazdabyŭnaj pramysłovaści Vieniesueły.

Učora Biełaruski rasśledavalnicki centr vypuściŭ rasśledavańnie ab tym, što Biełaruś vinavataja Vieniesuele za pastaŭki nafty, jakija byli jašče ŭ časy Uha Čaviesa, kala 1,5 miljarda dalaraŭ. Pry hetym pry vyvučeńni dakumientaŭ rasśledavalniki pryjšli da vysnovy, što biełaruskija ŭłady i nie źbiralisia viartać Vieniesuele hetyja hrošy.

Ciapier były vieniesuelski ministr paćvierdziŭ zapazyčanaść i raspavioŭ, što kantrakt na pastaŭku nafty Biełarusi byŭ niavyhadny dla Vieniesueły, ale jaho ŭsio roŭna padpisali, pakolki Łukašenka chacieŭ stać niezaležnym ad rasijskaj nafty.

«Pierš za ŭsio, Łukašenka skazaŭ Čaviesu, što jon choča stać niezaležnym ad rasijan, tamu što rasijanie da hetaha momantu pastaŭlali jamu ŭsiu naftu, u jakoj jon mieŭ patrebu, i rabili heta ŭ asnoŭnym pa trubapravodzie. U pramovie ab niezaležnaści jon skazaŭ, što jamu patrebnaja vieniesuelskaja nafta, jakaja budzie pastupać da jaho praz Bałtyjskaje mora. Mnie heta padałosia nie vielmi dobrym [varyjantam], bo heta było niavyhadna dla Vieniesueły. My nie mahli kankuravać z rasijanami. Urals i azierbajdžanskaja nafta značna bližej da hetaha rynku. Ale što ž… Heta było ŭzhodniena», — zajaviŭ Rafael Ramires.

Pa słovach byłoha čynoŭnika, ideja zaklučałasia ŭ tym, kab častku apłaty za naftu abmianiać na pracu, jakuju biełarusy vykonvali ŭ Vieniesuele: budavali budynki ŭ Fuerte-Civuna, pryvozili abstalavańnie dla zvadkavanaha hazu dla aŭtamabilaŭ i inšyja rečy.

U niejki momant, pa słovach Ramiresa, biełarusy nie vykanali hetaje patrabavańnie.

«Ja liču, što jany skarystalisia dobraj volaj Čaviesa, u nas było šmat prablem z pracaj u Vieniesuele, taksama była prablema nazapašvańnia daŭhoŭ. Toje, što vy kažacie pra sumu 1,4 miljarda, dla mianie hučyć chutčej jak 2 miljardy, mienavita hetaja suma ŭ mianie ŭ hałavie.

Ja pamiataju heta, tamu što ja pačaŭ skardzicca spadaru Siamašku (Uładzimir Siamaška ŭ tyja hady byŭ vice-premjeram Biełarusi — Red.). Jon byŭ čałaviekam, jaki adkazvaŭ za kantakty.

U niejki momant jany pačali admaŭlacca płacić. Asabliva kali prezident Čavies byŭ chvory. Kali Čavies pamior, pieršaje, što ja skazaŭ Nikałasu Madura, heta toje, što jość abaviazak Biełarusi pierad Vieniesuełaj, jon zadakumientavany, jość dakumienty, i vy, jak prezident, pavinny akazać cisk. Madura ničoha nie zrabiŭ. Ja pamiataju, jak padčas turne Madura pajechaŭ u Biełaruś i nie puściŭ mianie na sustreču, bo viedaŭ, što ja źbirajusia spahnać hety doŭh. Nie tolki tamu, što heta byŭ doŭh na razumnuju sumu, ale i tamu, što cana na naftu padała, i my byli nie ŭ tym stanoviščy, kab pazyčać kamuści hrošy», — raspaviadaje Ramires.

Eks-ministr adznačaje, što ź vieniesuelskaha boku Madura nie patrabavaŭ ad biełaruskaha kalehi vypłacić hety doŭh.

«Biełarusy skazali niešta niezvyčajnaje… Što heta była damoŭlenaść pamiž Čaviesam i Łukašenkam, i što, kali Čavies pamre, jany nie buduć płacić (…)

Kali biełaruski ŭrad nie choča padparadkavacca, bo jany tak i kažuć, tady darečy padać u sud na hetuju biełaruskuju kampaniju, nazvu jakoj ja nie pamiataju», — skazaŭ Ramires.

Kamientary11

  • Katia
    13.04.2023
    Miłaj-darahoj, kakije dieńhi?
  • Minfin
    13.04.2023
    I zdieś občistił idiejnoho "druha, tovariŝa i brata" po "boŕbie" s kapitalizmom...
    Tohda o čiom rieċ voobŝie?!
  • :
    13.04.2023
    Vsiu žizń chalava.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?

Usie naviny →
Usie naviny

Chto b jašče z pakaznoj radaściu pahadziŭsia z prynižalnym vypraŭleńniem? Tolki Łukašenka15

«Znajści numar u hateli možna i za 8 rubloŭ». Biełarus adpraviŭsia ŭ supierekanomnaje padarožža pa krainie2

U Barsiełonie baćki pakinuli 10-hadovaje dzicia ŭ aeraporcie, kab nie prapali kvitki i adpačynak15

Tramp zajaviŭ pra hatoŭnaść ZŠA da jadziernaha kanfliktu z Rasijaj10

Śviatłana Cichanoŭskaja raskazała pra chvarobu syna i jaho cikavaść da hieapalityki13

Ukrainski sałdat uratavaŭsia z akružeńnia na elektrarovary, jaki jamu skinuli z drona1

Z kastryčnika pačnuć dziejničać novyja praviły ŭjezdu ŭ ES. Što źmienicca dla biełarusaŭ

«Na plačach maječka Mark Formelle». Hurt Leibonik vypuściŭ novy albom6

Žurnalist Ihar Karniej pra toje, jak atrymaŭ u spadčynu represavanyja hieny1

bolš čytanych navin
bolš łajkanych navin

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?

Hałoŭnaje
Usie naviny →

Zaŭvaha:

 

 

 

 

Zakryć Paviedamić