Siejm Litvy 20 krasavika pasprabuje pieraadoleć prezidenckaje vieta na zakon ab abmiežavańniach dla biełarusaŭ i rasijan
Siejm Litvy ŭchvaliŭ uklučeńnie ŭ paradak dnia siesii pytańnia ab pieraadoleńni vieta prezidenta Hitanasa Naŭsiedy na zakon ab abmiežavańniach dla hramadzian Rasii i Biełarusi praz rasijskaje vajennaje ŭvarvańnie va Ukrainu. Razhlad pytańnia pa sutnaści adbudziecca 20 krasavika, paviedamiła ahienctva BNS.
Pradstaŭlajučy pytańnie ŭ parłamiencie, Kiastucis Budrys, staršy daradca prezidenta Litvy, zajaviŭ, što režym Alaksandra Łukašenki nanios Litvie bolšuju škodu, čym kramloŭski režym.
«Dziejańni biełaruskaha režymu suprać Litvy nanosiać jašče bolšuju škodu, čym dziejańni rasijskaha režymu suprać Litvy», — skazaŭ Kiastucis Budrys.
Jon nahadaŭ, što biełaruskija ŭłady pravodziać hibrydnuju ataku suprać Litvy, vykarystoŭvajučy dla hetaha nielehalnuju mihracyju, a biełaruski KDB vielmi aktyŭna pracuje ŭ Litvie, špijonić za Litvoj i pradstaŭnikami biełaruskaj apazicyi, jakija žyvuć u hetaj krainie.
Budrys padkreśliŭ, što zakon ab abmiežavalnych mierach vielmi nieabchodny z punktu hledžańnia jak nacyjanalnaj biaśpieki, tak i źniešniaj palityki, a normy zakona nie pahoršać stanovišča biełarusaŭ, jakija ŭžo prybyli i majuć tut dazvoł na žycharstva.
«Prapanovy prezidenta nijakim čynam nie paŭpłyvajuć na dziejnaść demakratyčnaj apazicyi Biełarusi i Rasii ŭ Litvie, jaje status, mahčymaści ŭjechać u jaje ź Biełarusi i Rasii, to-bok atrymać vizu, i z hetaj vizaj atrymać časovy dazvoł na žycharstva ŭ Litvie, status elektronnaha rezidenta, nabyć nieruchomaść, kali jany adpaviadajuć užo praduhledžanym zakonam umovam, heta značyć, pry pasiarednictvie ministerstva, i dla hetaha jość humanitarnyja padstavy. Na ŭmovy apazicyi heta naŭprost nijak nie ŭpłyvaje», — padkreśliŭ Kiastucis Budrys.
Čytajcie taksama:
Kiraŭnik MZS Litvy zaklikaŭ admianić vieta Naŭsiedy: U biełarusaŭ jość duchoŭny suvierenitet
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda29
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1313
Kamientary
na fota hladžu... nakolki roznyja interjery (saŭkovy vs sučasny)
dy i ŭvohule ŭsio