Hramadstva44

«Achova zdaroŭja ŭ Biełarusi biaspłatnaja». Pratasievič asprečvaje ŭ sudzie pamier škody i toje, što byŭ kiraŭnikom ekstremisckich arhanizacyj

Raman Pratasievič 19 krasavika daŭ pakazańni nakont vystaŭlenaha jamu raniej novaha abvinavačańnia. Svaju vinu pa novym abvinavačańni jon pryznaŭ tolki častkova, pieradaje Sputnik.

 Raman Pratasievič u sudzie 19 krasavika. Skryn videa

Pratasievič zajaviŭ, što nie pryznaje ŭ poŭnym abjomie pazoŭ u pamiery 30 miljonaŭ rubloŭ.

Pavodle jaho, jon nie pryznaje sumu naniesienaj škody ŭ pamiery kala 25 miljonaŭ rubloŭ, jakaja pajšła na apłatu supracoŭnikam MUS, MNS, Ministerstva achovy zdaroŭja.

«Tuju častku, jakaja tyčycca ŭzmocnienaha niasieńnia słužby MUS i MNS, ja nie pryznaju», — skazaŭ Pratasievič. Jon častkova pryznaŭ škodu, naniesienuju Mintransu — z-za błakiroŭki transpartu.

«Asabista ja nie liču, što zarabotnyja płaty za niaŭročny čas pracy (supracoŭnikaŭ MUS i MNS) zjaŭlajucca škodaj. Mahu pryniać i padtrymać sumu realnaj škody, što tyčycca Mintransa, i toje častkova», — skazaŭ Pratasievič, dadaŭšy, što suma ŭ 30 młn rubloŭ «niekalki zavyšana».

Jon taksama zajaviŭ, što nie pryznaje sumu škody, paličanuju dla vypłaty Ministerstvu achovy zdaroŭja. Svaju pazicyju jon matyvavaŭ tym, što «achova zdaroŭja ŭ Biełarusi biaspłatnaja».

Raniej Pratasievič pryznaŭ u poŭnym abjomie tyja sastavy złačynstvaŭ, jakija stavilisia jamu pieršapačatkova, siarod ich — zakliki da zachopu ŭłady, raspalvańnie sacyjalnaj varožaści i varažniečy, abraza vyšejšych słužbovych asob — usiaho kala vaśmi artykułaŭ.

Jon zajaviŭ, što zhodny z vystaŭlenym jamu abvinavačańniem u tym, što ŭdzielničaŭ u złačynstvie ŭ składzie hrupy, ale nie zhodny z tym, što byŭ kiraŭnikom NEXTA i «Biełarusi hałaŭnoha mozhu» (jany pryznany biełaruskimi ŭładami ekstremisckimi farmiravańniami).

«Ja nie pryznaju abvinavačańnie ŭ tym, što byŭ kiraŭnikom ekstremisckich farmiravańniaŭ, jany takimi byli pryznany našmat paźniej, kali ja vyjšaŭ ź ich składu», — skazaŭ jon.

«Kiraŭnikom sietki NEXTA zaŭsiody byŭ Ściapan Puciła, i hety miedyjabiźnies naležyć jamu. Niejki čas ja adkazvaŭ za peŭny ŭčastak pracy, ale nie bolš», — patłumačyŭ sudu Pratasievič.

Jon taksama vykazaŭsia nakont toj častki novaha abvinavačańnia, jakoje tyčyłasia «BHM».

«Biełaruśsiu hałaŭnoha mozhu» farmalna kiravaŭ dva ci try miesiacy, kanał padkantrolny štabu Cichanoŭskaj, jaho zaŭsiody kantralavaŭ Franak Viačorka. Ja adkazvaŭ za asobny ŭčastak času. Ja nie byŭ kiraŭnikom jak u adnym, tak i ŭ druhim vypadku», — skazaŭ Pratasievič padčas dopytu.

Jon taksama zajaviŭ, što sam asabista nikoli nie vykładvaŭ u telehram-kanałach danyja dziaciej i supracoŭnikaŭ pravaachoŭnych orhanaŭ.

Pratasieviču pahražaje da 12 hadoŭ pazbaŭleńnia voli.

21 krasavika prakuror zaprosić jamu termin.

Kamientary4

  • daviedka
    19.04.2023
    Zdraśtie, s 1994 zdravoochranienije v RB biespłatnoje tolko dla tiech, u koho svoi lekarstva, katietiery, špricy...
  • Vasia
    19.04.2023
    Tak vyhladit krinž, jeśli by on był čiełoviekom
  • naiŭny
    19.04.2023
    Oleh,  dumajecca, mohuć dać toje, što patrabuje abvinavačvańnie - apraŭdalnych prysudaŭ i źmiakčeńniaŭ tut nie isnuje . Ale voś praz samy nievialiki čas- jak varyjant- moža być amnistyja . pa-cichamu. ažno da "zaščyty śviditiela". źmieny źniešnaści  i pašpartnych dadzienych.(chto viedaje dakładna los Kavalova-Kanavałava?) Albo - "nada že pakazać nivirajatnuju humannaść samiznajecie kavo"- amnistyju zrobiać naadvarot pijar-akcyjaj ahłušalnaj... Słovam, dažyviom - pabačym...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Usie naviny →
Usie naviny

U finale futbolnaha jeŭrakubka zhulajuć kamandy, jakija zajmajuć 15-je i 16-ja miescy ŭ svaim čempijanacie

«Staŭleńnie jak da skaciny». Prarasijski błohier raskazaŭ pra 25 sutak ŭ IČU12

Džej Dzi Vens: Rasija na pieramovach pa Ukrainie prosić bolš za razumnaje. Jana nie atrymaje terytoryi, jakija navat nie zachapiła3

Cichanoŭskaja: Vajna nikoli nie pavinna być srodkam vyrašeńnia prablem8

Papa Leŭ XIV: amierykanski misijanier u Pieru, jaki krytykavaŭ vice-prezidenta ZŠA. Što viadoma pra novaha Papu2

Bił Hiejts vyrašyŭ razdać amal usie svaje hrošy na praciahu najbližejšych dvaccaci hadoŭ6

Arkadź Dobkin syšoŭ z kiraŭnictva JERAM? Imavierna, heta farmalnyja pierastanoŭki

15 + 15 + 5: Formuła atrymańnia asałody ad seksu21

Leŭ XIV: Boh lubić nas, zło nie pieramoža1

bolš čytanych navin
bolš łajkanych navin

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad

Hałoŭnaje
Usie naviny →

Zaŭvaha:

 

 

 

 

Zakryć Paviedamić