Ukrainskija siły vysadzilisia na levym bierazie Dniapra na Chiersonščynie
Rasijskija vajenkary pišuć, što ŭkrainskija siły zaniali pazicyi na bałocistym levym bierazie Dniapra kala Antonaŭskaha mosta.
Analityki Instytuta vyvučeńnia vajny (ISW) u novaj spravazdačy zajavili, što rasijskija «vajenkary» padali dastatkova hieahrafična pryviazanych videamateryjałaŭ i tekstavych paviedamleńniaŭ, jakija paćviardžajuć, što ŭkrainskija siły zaniali pazicyi na ŭschodnim bierazie Dniapra ŭ Chiersonskaj vobłaści.
«Hieałakacyjnyja kadry, apublikavanyja rasijskim błohieram 22 krasavika, pakazvajuć, što ŭkrainskija siły zaniali pazicyi na bierazie Dniapra na poŭnač ad Alešak (7 km na paŭdniovy zachad ad Chiersona) i prasunulisia da paŭnočnaj uskrainy nasielenaha punkta na trasie Je97, a taksama na zachad ad Dačy (10 km na poŭdzień ad Chiersona).
Hetyja kadry taksama śviedčać pra toje, što rasijskija vojski mohuć nie kantralavać astravy na rekach Konka i Čajka, raźmieščanyja mienš čym za paŭkiłamietra na poŭnač ad hieałakacyjnych pazicyj ukrainskich vajskoŭcaŭ kala Antonaŭskaha mosta», — havorycca ŭ spravazdačy ISW.
U instytucie adznačyli, što 20 i 22 krasavika rasijskija «vajenkary» śćviardžali, što ŭkrainskija siły ŭtrymlivajuć pazicyi na ŭschodnim bierazie Chiersonskaj vobłaści ŭžo niekalki tydniaŭ, ustanavili stabilnyja linii zabieśpiačeńnia da hetych pazicyj i rehularna robiać vyłazki, što pakazvaje adsutnaść rasijskaha kantrolu nad hetym rajonam.
Akramia taho, stała viadoma, što rasijskija zachopniki patrabujuć ad žycharoŭ levaha bieraha Chiersonskaj vobłaści, jakija žyvuć uzdoŭž Dniapra, pakinuć damy i zjechać z rehijona. Pra heta paviedamiŭ «Centr nacyjanalnaha supracivu». «U Novaj Kachoŭcy i haradskim pasiołku Dniapranie akupanty paviedamili miascovym žycharam, što tyja, chto žyvie na pieršaj bierahavoj linii Dniapra, pavinny terminova pakinuć žyllo».
Pa danych CNS, vorah raźmiaščaje vajskovuju techniku ŭ žyłych rajonach hetych nasielenych punktaŭ.
19 krasavika namieśnica ministra abarony Ukraina Hanna Malar zajaviła, što «kontrnastupleńnie na ŭschodzie ŭžo idzie». «USU na siońnia nie rychtujuć niešta adno ŭ niejkim kankretnym kirunku, a treba razumieć, što USU štodnia rychtujucca da poŭnaha vyzvaleńnia našych terytoryj, a nie tolki kontrnastupleńnia…», — udakładniła jana.
-
Ukrainskaja apieracyja «Pavucińnie» mahła sarvacca ŭ apošni momant — pilny dalnabojščyk znajšoŭ bieśpiłotniki ŭ korpusie
-
Zialenski paviedamiŭ pra isnavańnie troch dakumientaŭ, jakija datyčacca zaviaršeńnia vajny va Ukrainie
-
Syrski: Ukrainskija vojski ź siaredziny listapada zmahli viarnuć kantrol nad častkaj Pakroŭska i ciapier utrymlivajuć paŭnočnuju častku
Kamientary