Zasnavalnika biełaruskaj dyjaspary ŭ Batumi nie puścili nazad u krainu z Turcyi
Zasnavalnika biełaruskaj dyjaspary Adžaryi, biełarusa Jaŭhiena Hacaka nie puścili z Turcyi ŭ Hruziju. Pra heta stała viadoma padčas siońniašniaj pres-kanfierecyi ŭ Batumi.

Kiraŭnik biełaruskaj dyjaspary Adžaryi Alaksiej Bałašoŭ raspavioŭ telehram-kanału «Ty taksama ŭ Hruzii», što Jaŭhien u aŭtorak adpraviŭsia ŭ Turcyju, kab «abnulicca» (zamiežnikam biez DNŽ u Hruzii treba vyjazdžać raz na hod, potym možna viarnucca i žyć jašče hod). Ale na zvarotnym šlachu jamu admovili va ŭjeździe ŭ Hruziju «ź inšych pryčyn».
U sieradu Jaŭhien pasprabavaŭ zajechać u Hruziju druhi raz, ciapier padaŭsia na palityčny prytułak. Pa słovach Alaksieja, jaki pryvioz tady Jaŭhienu dakumienty dla padačy na prytułak, biełarusu skazali «čakać», a praz 5 hadzin vyvieli na turecki bok. «Mahčyma, heta było parušeńnie Kanviencyi ab uciekačach 1951 hoda», — dadaje Alaksiej.
Ciapier Jaŭhien znachodzicca ŭ Turcyi, a jaho siamja — u Hruzii. Jaho pytańniem zajmajucca pravaabaroncy, ofis Cichanoŭskaj taksama ŭ kursie spravy. Vierahodna, pravaabaroncy pasprabujuć jašče raz padać dakumienty na palityčnuju abaronu i/abo atrymańnie vizy ŭ treciuju krainu.
Jaŭhien Hacak byŭ naziralnikam padčas vybaraŭ 2020 hoda.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie

«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał

Kamientary