Adzin z mužčyn, jakich prapahanda nazvała arhanizatarami dyviersii ŭ Mačuliščach, — pryjaciel syna Abielskaj i danosčyk
Pra heta raspavioŭ «Bajpoł» u svaim novym roliku.
U filmie ANT «Haspar na suviaź nie vyjšaŭ» Dzianis Sakałoŭ daje vielmi šmat pakazańniaŭ. Častkova jany nie stykujucca z pakazańniami nazvanaha vykanaŭcy dyviersii, Mikałaja Šviaca. Byccam by z adnym z tych, chto płanavaŭ dyviersiju, Vitalom Jakucikam, ich abjadnała chobi — praktyčnaja stralba.
«Bajpoł» praanalizavaŭ asobu Sakałova i vyjaviŭ šerah cikavych faktaŭ. Pa-pieršaje, jon asabista znajomy ź Dźmitryjem Abielskim — starejšym synam Iryny Abielskaj, hałoŭnaj doktarki Respublikanskaha kliničnaha miedcentra Upraŭleńnia spraŭ Łukašenki. Razam jany vyjazdžali za miažu ŭ Litvu ŭ 2017 hodzie na asabistym aŭto Dźmitryja Abielskaha.
Pa-druhoje, Dzianis Sakałoŭ, zhodna z bazaj «Kibierpartyzanaŭ», u 2020 hodzie jak minimum adzin raz danios na ludziej, jakija malavali nacyjanalnyja simvały na vulicach Minska. Hety danos zapisany ŭ bazie tak: «U dvary try chłopcy razmaloŭvajuć łaŭki ŭ bieł-čyrvona-biełyja kolery».
Data danosu — 22 vieraśnia 2020 hoda, a adras — Matusieviča, 72, što pablizu ad adrasa prapiski Sakałova. Numar taksama supadaje.
Na padstavie hetych źviestak «Bajpoł» schilny ličyć, što Dzianis Sakałoŭ nie datyčny da biełaruskaha padpolla.
«Naša Niva» — bastyjon biełaruščyny
PADTRYMAĆStrałok, spartoviec z rajcentra, prahramist. Daviedalisia bolš pra niekatorych abvinavačvanych u «teraktach»
U źlitych dakumientach Pientahona apisanyja paškodžańni samalota ŭ Mačuliščach
«Masavyja čystki rychtavalisia zahadzia, da samalota. Ale biełaruskija śpiecsłužby nie Siekurytate». Kali skončycca heta chvala represij?
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy2
Kamientary