Pahražali adrezać vałasy, akunali ŭ chałodnuju vadu, ździekavalisia — u Minsku sudzili dvuch školnikaŭ
Sud vynies prysud dvum 15-hadovym pryjacielam, jakich abvinavačvali ŭ ździajśnieńni asabliva złosnaha chulihanstva, paviedamlajuć Minsk-naviny.
U adzin z kastryčnickich dzion 2022 hoda dva siabry sustrelisia z kampanijaj la vodakanała, što ŭ rajonie vulic Siadych i Karbyšava. Tam byŭ nieznajomy im raniej doŭhavałosy junak. Z dyjałohu chłopcaŭ tavaryšy zrazumieli, što novy znajomy nibyta zhubiŭ parahienieratar, tamu vyrašyli jaho pravučyć.
Doŭhavałosaha chłopca, jakomu na toj momant było ŭsiaho 13 hadoŭ, pastavili na kaleni i zapatrabavali vybačeńniaŭ. Adzin ź siabroŭ dastaŭ składany nož i staŭ pahražać jamu adrezać vałasy, a paśla raźbiŭ plašku, jakaja lažała na asfalcie, i «ružačkaj» zamachnuŭsia ŭ bok spałochanaha školnika.
Kryŭdzicieli abmiarkoŭvali, jak možna jaho pravučyć. U vyniku vyrašyli, što padletak pavinien zajści ŭ vopratcy ŭ chałodnuju vadu i akunuć u jaje hałavu. Siabruki ŭziali jaho pad ruki i paviali da vadajoma. Tam junak pad pahrozami źniaŭ krasoŭki i, jak taho patrabavali złamyśniki, zajšoŭ u vadu i namačyŭ vałasy.
Žančyny, jakija prachodzili mima, zrabili kampanii zaŭvahu — tavaryšy spałochalisia i kinulisia naŭcioki, a školnik u mokraj vopratcy paśpiašaŭsia dadomu. Pa darozie chłopiec patelefanavaŭ baćku i raspavioŭ pra zdareńnie. Paśla baćki źviarnulisia ŭ milicyju.
Sud pryznačyŭ maładzionam pakarańnie za asabliva złosnaje chulihanstva ŭ vyhladzie pazbaŭleńnia voli na termin 3 hady kožnamu. Ale była prymienienaja adterminoŭka na dva hady.
Čytać taksama:
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary