Viaźniam, jakija ŭtrymlivajucca pad vartaj u SIZA, pa novym ukazańni zabaroniena pieradavać i dasyłać miedykamienty
Niekalki dzion svajaki źniavolenych, jakich utrymlivajuć u roznych śledčych izalatarach i turmach, byli zaniepakojenyja tym, što ŭ ich nie prymajuć miedycynskija pieradačy, a miedycynskija banderoli viartajucca nazad, paviedamlaje «Viasna».
Ciapier stała viadoma, što, pavodle ŭkazańnia Departamienta vykanańnia pakarańniaŭ ad 29 krasavika, viaźniam, jakija ŭtrymlivajucca pad vartaj, dazvolena pieradavać tolki vitaminna-minieralnyja kompleksy (nie bolš za adnu ŭpakoŭku) i insulin zamiežnaj vytvorčaści. Inšyja miedykamienty nibyta jość u najaŭnaści ŭ miedyčnych častkach izalataraŭ, tamu pieradavać ich ci adpraŭlać banderollu zabaroniena.
Pry hetym aficyjna pra takija źmieny nidzie nie paviedamlałasia.
Adznačym, što palitźniavolenym nieabchodnuju miedycynskuju dapamohu ŭ miescach źniavoleńnia amal nie akazvajuć, tamu miedycynskija pieradačy byli dla svajakoŭ adzinym sposabam dapamahčy blizkamu.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary