Nočču 8 maja Rasija znoŭ atakavała terytoryju Ukrainy, prymianiŭšy iranskija ŭdarnyja bieśpiłotniki «Šachied». Usie 35 dronaŭ byli źniščanyja ŭkrainskimi abaroncami.
Nad Kijevam byli źbityja bolš za 30 varožych «Šachiedaŭ», u vyniku ataki dronaŭ traŭmavanyja 5 čałaviek, paviedamlaje «Ukrainskaja praŭda» sa spasyłkaj na načalnika Kijeŭskaj haradskoj vajennaj administracyi Siarhieja Papko.
«Padčas apošniaj pavietranaj tryvohi, jakaja doŭžyłasia bolš za 3,5 hadziny, ahresar sprabavaŭ nanieści ŭdar svaimi BPŁA. Pavodle papiaredniaj infarmacyi, heta byli iranskija «Šachiedy», jakija atakavali stalicu z roznych napramkaŭ. U pavietranaj prastory Kijeva było vyjaŭlena i źniščana bolš za 30 varožych dronaŭ», — raskazaŭ Siarhiej Papko.
U vyniku načnoj ataki ŭ Kijevie byli traŭmavanyja 5 čałaviek, paškodžanyja aŭtamabili i žyły dom.
U Śviatošynskim rajonie stalicy, vierahodna, z-za padzieńnia abłomkaŭ paškodžanyja 7 aŭto i jašče adno aŭto hareła, zafiksavanaje padzieńnie abłomkaŭ na žyły dom — paškodžanyja vokny i fasady, abłomki ŭpali na prajeznuju častku, traŭmavanyja 5 čałaviek — im akazanaja miedycynskaja dapamoha.
U Sałomienskim rajonie paškodžany reziervuar (5 ton), što pryviało da ŭciečki dyzielnaha paliva, uzharańnia paliva nie było. Na stajancy paškodžana 15 hruzavych i 5 lehkavych aŭtamabilaŭ. Taksama, vierahodna, z-za abłomkaŭ, była paškodžanaja hazavaja truba, haz pierakryty, pažar likvidavany.
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary