Cichanoŭskuju zaprasili ŭ Niamieččynu na cyrymoniju ŭručeńnia Zialenskamu Mižnarodnaj premii imia Karła Vialikaha
Śviatłana Cichanoŭskaja, Maryja Kaleśnikava i Vieranika Capkała stali łaŭreatami premii ŭ 2022 hodzie.
Palityk napisała ŭ tvitary, što hanarycca mahčymaściu «paŭdzielničać u cyrymonii ŭ honar ukrainskaha prezidenta i naroda», paviedamlaje «Pozirk».
Arhanizatary premii 10 maja abnarodavali vinšavańnie Cichanoŭskaj, jak letašniaha łaŭreata. U im biełaruski demlidar adznačyła, što Zialenski źjaŭlajecca «krynicaj natchnieńnia nie tolki dla ŭkraincaŭ, ale i dla ŭsiaho śvietu».
«My musim pieramahčy. Kali my prajhrajem, ciemra znoŭ apuścicca na Jeŭropu», — dadała Cichanoŭskaja. Jana prapanavała razam vyhnać «dyktataraŭ u minułaje» i pabudavać «ahulnuju budučyniu ŭ siabroŭstvie».
Śviatłana Cichanoŭskaja, Maryja Kaleśnikava i Vieranika Capkała stali łaŭreatami Mižnarodnaj premii imia Karła Vialikaha ŭ 2022 hodzie.
Jany byli hanaravany hetaj uznaharodaj «za mužnaść i baraćbu, što ŭsialaje nadzieju, — za svabodu i demakratyju, za pravy čałavieka i tym samym za jeŭrapiejskija kaštoŭnaści».
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju14
Kamientary