Va ŭdzielnika hurta Tor Band za kratami zdaryŭsia recydyŭ ankałohii, jon nie moža chadzić
Palitźniavoleny muzyka Jaŭhien Burło mocna schudnieŭ i nie moža pierasoŭvacca samastojna. Vyjaviłasia, što za kratami ŭ jaho adbyŭsia recydyŭ ankałahičnaj chvaroby, paviedamiła «Homielskaja viasna».
Ad ankałahičnaha zachvorvańnia Burło pakutavaŭ jašče da zatrymańnia. Na voli chvarobu ŭdavałasia lačyć, a ŭ SIZA jana pačała prahresavać, tamu ciapier Jaŭhien, jak śćviardžajuć pravaabaroncy, znachodzicca litaralna na miažy žyćcia i śmierci.
Znajomyja Jaŭhiena raspaviali, što jaho mahli etapavać u homielski SIZA značna paźniej, čym inšych udzielnikaŭ Tor Band. Taksama krynicy padzialilisia infarmacyjaj pra toje, što svajaki Jaŭhiena Burło źviartalisia da kiraŭnictva SIZA, kab palitźniavoleny moh atrymać naležnaje lačeńnie, ale tam u hetym admovili.
Učora Jaŭhien Burło adznačaŭ svoj dzień narodzinaŭ u SIZA. Jamu spoŭniłasia 32 hady.
Tor Band — rahačoŭski rok-hurt, jaki staŭ adnym ź simvałaŭ pratestaŭ u 2020 hodzie. Za kratami jahonyja ŭdzielniki znachodziacca z 28 kastryčnika 2022 hoda.
Kamientary