U Branskaj vobłaści Rasii za adzin dzień źbityja samaloty Su-34 i Su-35 i dva viertaloty
«Takich strat našaj avijacyi jak siońnia, nie było z sakavika minułaha hoda», — piša infarmavany rasijski telehram-kanał Fighterbomber, jaki śpiecyjalizujecca na pytańniach avijacyi.
Spačatku ŭ Branskaj vobłaści ŭpaŭ viertalot Mi-8. Ludzi, jakija znachodzilisia ŭ im, zahinuli. Kala Klincoŭ znachodzicca vialikaja vajskovaja baza.
Rasijski vajenkar Rybar śćviardžaje, što viertalot źbity zienitnaj rakietaj. TASS śćviardžaje, što pryčynaj padzieńnia staŭ pažar ruchavika.
Druhi viertalot upaŭ la vioski Vałkuścičy va Unieckim rajonie.
Kala ŭkrainskaj miažy ŭpaŭ samalot Su-34. «Su-34 upaŭ niedaloka ad ukrainskaj miažy. Los tych, chto znachodziŭsia na borcie, nieviadomy», — raspaviała krynica ahienctva.
Na terytoryi Klincoŭskaha rajona ŭviedzieny płan «Pierachop», tam viaduć vyšuk dyviersantaŭ, jakija mahli źbić viertalot i źniščalnik. Ad miesca krušeńnia źniščalnika da viertalota, jaki raniej upaŭ u Branskaj vobłaści, — bolš za 40 km. Adnak ad abodvuch da ŭkrainskaj miažy — nie bolš za 40 km.
Rasijskija ŚMI paviedamlajuć, što piłoty viertalotaŭ i samalota zahinuli.
Paźniej rasijski resurs Baza napisaŭ: «Śpiecsłužby praviarajuć infarmacyju pra jašče adzin samalot, jaki ŭpaŭ u Staradubskim rajonie Branskaj vobłaści». Havorka moža iści ab jašče adnym Su-34 ci Su-35.
A infarmavany th-kanał «Poviernutyje na Z-vojnie» padsumavaŭ: «Kab adsiekčy čutki. Źbityja dva Mi-8, adzin Su-35 i adzin Su-34. Za ŭsich adpomścim, usich zabjom», — vajaŭniča zajaŭlaje hety šavinistyčny resurs.
Takim čynam, za siońnia ŭ Branskaj vobłaści Rasija mahła stracić 4 adzinki avijatechniki.
Rasijskija vajenkary miarkujuć, što ŭsie jany byli źbityja z terytoryi Ukrainy, z-pad samaj miažy.
-
Prezident Polščy znoŭ zapatrabavaŭ reparacyj ad Hiermanii za Druhuju suśvietnuju vajnu
-
«Ukraina ŭ NATA — heta daroha da hramadzianskaj vajny». U Rasii raptam dastali z šafy Janukoviča — kab jon pachvaliŭ Pucina
-
Da jaje prystavali ŭ ciahniku, jana ŭdaryła tuflaj. Vyjšła kniha z epizodam ź junactva karalevy Kamiły
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali11
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary